1 John 5

azerbaijan-2013

1عئسانین مسئح اولدوغونا ائنانان هر کس تاریدان دوغولوب و آتانی سِوَن هر کس اوندان دوغولانی دا سوئر.

2بئز تارینین اؤولادلارینی سودئیئمئزی بوندان بئلئرئک: تارینی سوئب اونون امرلرئنی یرئنه یتئرمکله.

3چونکی تارینی سومک، تارینین امرلرئنی یرئنه یتئرمکدئر. و اونون امرلری آغیر دیئل.

4چونکی تاریدان دوغولان هر کس دونیایا قالئب گلئر. و دونیایا قالئب گلن ظفر ائمانیمیزدیر.

5دونیایا قالئب گلن کئمدئر، مگر او دیئل کی، عئسانین تاری اوغلو اولدوغونا ائنانیر؟!

6بودور او کی، سو و قانلا گلدی، یعنی عئسا مسئح. او، آنجاق سو ائله یوخ، سو و قانلا گلدی.

7روح دا بونا شهادت ورئر، چونکی روح حاقدیر. اونا گؤره کی، اوچ شاهئد وار:

8روح، سو، و قان. بونلارین اوچو ده بئربئرئنه موطابئقدئر.

9بئز ائنسانلارین شهادتئنی قبول ادئرئک، لاکئن تارینین شهادتی بوندان بؤیوکدور، چونکی تارینین وردئیی شهادتدئر کی، اؤز اوغلو حاقّیندا ورئب.

10تارینین اوغلونا ائمان گتئرن اؤز-اؤزونده بو شهادتی وار. لاکئن تارییا ائمان گتئرمه‌ین اونو یالانچی گؤرسه‌دئب، چونکی تارینین اؤز اوغلو حاقّیندا وردئیی شهادته ائنانماییبدیر.

11و شهادت بودور کی، تاری بئزه ابدی حیات ورئب و بو حیات اونون اوغلوندادیر.

12تارینین اوغلونا مالئک اولانین حیاتی وار، لاکئن تارینین اوغلونا مالئک اولمایانین حیاتی یوخدور.

13بونلاری سئزه، تارینین اوغلونون آدینا ائنانانلارا یازمیشام کی، ابدی حیاتا مالئک اولدوغونوزو بئله‌سئنئز.

14و اونون حوضوروندا مالئک اولدوغوموز یقئن بوندان عئبارتدئر کی، اگر اونون ائراده‌سئنه گؤره بئر شی طلب ادئرئک، او، بئزی اشئدئر.

15و اگر بئلئرئک کی، او، بئزئم هر طلب اتدئیئمئزی اشئدئر، بونو دا بئلئرئک کی، اوندان طلب اتدئکلرئمئزی آلمیشیق.

16اگر کئمسه قارداشینی گؤرسه کی، اؤلومه آپارمایان گوناه ادئر، گرک دوعا اتسئن. تاری دا اونا حیات وره‌جک. بونو اونلار حاقّیندا دیئرم کی، گوناهلاری اؤلومه آپاران دیئل. گوناه وار کی، اؤلومه آپاریر. دمئرم کی، بو گوناه اوچون دوعا اتسئن.

17هر جور صالحسئزلئک گوناهدیر. لاکئن گوناه دا وار کی، اؤلومه آپاران دیئل.

18بئلئرئک کی، تاریدان دوغولان هر کس گوناه اتمز. عکسئنه، تاریدان دوغولان اؤزونو ساخلار و شرئر اونا توخونا بئلمز.

19بئز بئلئرئک کی، تاریدانیق، لاکئن بوتون دونیا شرئرئن حاکئمئیّتی آلتیندادیر.

20بونو دا بئلئرئک کی، تارینین اوغلو گلئب و بئزه فهم ورئب کی، حاق اولانی تانییاق. بئز اونداییق کی، حاقدیر؛ اوغلو عئسا مسئحده. حقئقی تاری و ابدی حیات اودور.

21اؤولادلار، اؤزونوزو بوتلردن قورویون.