1 Chronicles 13

azerbaijan-2013

1داوود مئن‌باشی‌لار، یوزباشی‌لار و بوتون باشچیلارلا مصلحتلَشدی.

2او بوتون ائسرایئل جاماعاتینا ددی: «اگر بو ائش سئزه خوش گلسه و تاریمیز ربّئن ائراده‌سی ائله اولسا، ائسرایئلئن هر طرفئنده یاشایان هموطنلرئمئزه، اونلارلا بئرلئکده اوتلاغی اولان شهرلرده یاشایان کاهئنلره و لاوئلی‌لره خبر گؤندَ‌ره‌رک کی، بئزئم یانیمیزا گلسئنلر.

3گلئن تاریمیزین ساندیغینی یانیمیزا قایتاراق، چونکی شاعولون دؤورونده بئز اونا محل قویمادیق.»

4بوتون جاماعات ددئلر کی، اله اده‌جکلر. چونکی بو ائش بوتون خالقین نظرئنده دوز ائدی.

5داوود مئصئرده‌کی شئخور چاییندان لِبو-خَماتا قدر اوزانان تورپاقدا یاشایان بوتون ائسرایئللی‌لری ییغدی کی، تارینین ساندیغینی قئریَت یِعه‌رئمدن گتئرسئنلر.

6داوود بوتون ائسرایئللی‌لرله بئرلئکده بَعَلایا، یعنی یهودایا عایید اولان قئریَت یِعه‌رئمه گلدی کی، تارینین ساندیغینی، کَرّوبلار اوستونده تخت قوران و آدی اورادا چاغیریلان ربّئن ساندیغینی گتئرسئنلر.

7تارینین ساندیغینی تزه بئر عارابایا قویوب، عَبئنادابین اِوئندن آپاردیلار. عارابانی عوزّا و اَخیو سوروردو.

8داوود و بوتون ائسرایئللی‌لر تارینین حوضوروندا بوتون قووّتله جشن توتموشدولار، و اوخویوب، طنبورلارلا، چَنگلرله، دَفلرله، سئنجلرله و کَره‌نایلارلا چالیب اویناییردیلار.

9کئدونون خرمن یرئندن کچنده اؤکوزلر بودره‌دئلر. بونا گؤره ده عوزّا اَل اوزادیب ساندیغی توتدو.

10ربّئن قضبی عوزّانین ضئدّئنه آلوولاندی و اونو ووردو، چونکی عوزّا اَلئنی اوزادیب ساندیغا توخوندو. بله‌جه عوزّا اورادا تارینین حوضوروندا اؤلدو.

11داوود قضبلَندی چونکی ربّئن قضبی عوزّا‌نین اوستونه دوشموشدو؛ و او یری پِرِص عوزّا چاغیردی کی، بو گونه کئمی پِرِص عوزّا دیئلئر.

12داوود او گون تاریدان قورخوب سوروشدو: «تارینین ساندیغینی نجه یانیما گتئره بئله‌رم؟»

13بونا گؤره ده داوود ساندیغی اؤز یانینا، داوودون شهرئنه گتئرمه‌دی، اونو یولوندان دؤندَ‌رئب گَتلی عوبِد اِدومون اِوئنه قویدو.

14بله‌جه تارینین ساندیغی اوچ آی عوبِد اِدومون اِوئنده، اونون عایئله‌سئنئن یانیندا قالدی. رب عوبِد اِدومون عایئله‌سئنه و اونا عایید هر شیه برکت وردی.

← Chapter 12 Chapter 14 →