2 Chronicles 22:11 — Compare Translations
3 translations compared side by side
| Translation | Text |
|---|---|
| Ayamar Bible (Qullan Arunaca) | Ucampis Joram reyin Josaba phuchapasti, Ocoziasan Joás wawaparuw imantäna cunapachatï reyin maynïri yokanacaparu jiwaraycäna ucqhajja. Jupasti mä iquiña utaruwa imantäna Joasampiru, jupan uñjiripampiru. Uqhamatwa jupar jan jiwayapcänti. Acsti luränwa Joram reyin Josaba phuchapa, jupasti Ocozías reyin cullacapänwa, uqhamarac Joiada sacerdoten warmiparaqui. |
| Aymara Bible 1986 (Aymar Bibliia 1986) | Ucampis Joram reyin Josaba phuchapasti, Ocoziasan Joás wawaparuw imantäna cunapachatï reyin maynïri yokanacaparu jiwaraycäna ucqhajja. Jupasti mä iquiña utaruwa imantäna Joasampiru, jupan uñjiripampiru. Uqhamatwa jupar jan jiwayapcänti. Acsti luränwa Joram reyin Josaba phuchapa, jupasti Ocozías reyin cullacapänwa, uqhamarac Joiada sacerdoten warmiparaqui. |
| aymara-1997 | Ukampis Joram reyin Joseba phuchhapax, Ocozías reyin Joás yuqaparuw wayuqasïna, reyin maynïr yuqanakapar jiwarayasipkäna ukapacha, ukatsti jupax Joasampiru, jupar uñjir warmimpirux mä ikiña utaruw imantäna. Ukhamat Joasax jan jiwkänti. Aksti Joram reyin Joseba phuchhapaw ukham luräna, jupax Ocozías reyin kullakapänwa, Joiadá sacerdoten warmiparakïnwa. |