Psalms 127

aymara-1997

1Tatitutix jan utachkaspaxa, inamayakiw utachirinakax ch'am tukusipkaspa; Tatitutix markar jan imkaspaxa, inamayakiw marka uñjirinakax uñch'ukisipkaspa.

2Willjtat sarnaqatanakax inamayawa, jayp'ukam irnaqatas inamayawa, jump'i apsutampi t'ant'a manq'atas inamayawa, Diosax munat wawanakapan ikiñanakapkam t'ant'a churki ukapachaxa.

3Yurirapkistu uka wawanakax, Tatitun aski churäwinakapawa.

4Waynäpktan ukapach yurirapkistu uka wawanakax nuwasirin amparapankir mich'inakar uñtatawa.

5¡Walja wawan jaqinakax kusisiñaniwa! Janiw timanakapamp p'inqachat uñjaskaniti, taripirinakan nayraqatapan jikxataskani ukkhaxa.

← Chapter 126 Chapter 128 →