Psalms 125

aymara-1997

1Tatitur taqpach chuymamp katuyasirinakax jan unxtkayäpxiwa; Sión qullur uñtataw wiñayatak sayt'asipxi.

2Kamisatix qullunakax Jerusalenar muyuntkixa, ukhamaw Tatitux markapar muyunti jichhasa, wiñayan wiñayapasa.

3Ñanqha lurir munañan jaqinakax janiw wiñayatak Diosan markapar apnaqkaniti; aski jaqinakan ñanqha jan lurasipkañapataki.

4Tatay, aski jaqinakarux askinakay churam, q'uma chuyman jaqinakarux askinakampiy phuqhantam;

5jan wali thakhinjam saririnakarusti, ñanqha luririnakampi chik aynacht'ayam. ¡Israel markansti samarañax utjpan!

← Chapter 124 Chapter 126 →