Malachi 4

aymara-1997

1Taqi ch'aman Tatitux siwa: “Urux jak'achasisinkiwa, hornor uñtat parintata, uka urusti taqi jach'a jach'a tukurinakampi, ñanqha luririnakampix jichhur uñtataw nakhantani. Uka uru purinkani ukapachaw jupanakar saphitpach nakhantani, janirakiw kunas jupanakat jilt'kaniti.

2Ukampisa, khitinakatix nayar axsartas sarnaqapkta ukanakatakixa, chiqapar uñjañaxax intir uñtataw k'ajani, qhanapasti jaqinakatakix qhispiyasiñ apanini. Jumanakasti kusisiñata jalnaqapxäta kunjämtix vaca qallunakax uyut mistusax jalnaqapki ukhama.

3Nayax wakichaskta uka urunxa, jumanakax uka ñanqha lurir jaqinakarux laq'arjamaw takichasipxäta.

4“Horeb qullun Moisés luqtirixar churkta uka kamachinakat amtasipxam. ¡Ukanakasti iwxa arunakampi, kamachi arsutanakampiwa taqpach Israel markan phuqhañapataki!

5“Kunürutix nayax mutuyapkäma uka uru janïra purinkipanxa, nayax Elías profetaruw khithanipxäma.

6Jupaw awkinakampi wawanakampi sumankthapiyxani. Janitix ukhamäkani ukapachasti, nayaw jutasin aka uraqi q'ala t'unjä.”