Joshua 12

aymara-1997

1Israelitanakax Jordán jawirat inti jalsu tuqin atipt'apkän uka reyinakax akanakawa, ukhamarak kawkïr uraqinaktix Arnón jawirat Hermón qullukama, Jordán qhirwat inti jalsu tuqinkir uraqinakamppach katuntapkän ukanakasa akanakawa:

2Hesbón markan jakir amorreo jaqinakan Sihón sat reyipa. Jupan marka apnaqañapax Aroer chiqat Arnón jawir thiyakamänwa, ukatsti chika qhirwat Jaboc sat jawirkama, ukawjat amonitanakan uraqipax qalltäna (Galaad uraqit niya chikatapjamawa),

3ukatsti Jordán jawirat inti jalsu tuqinkki uka qhirwamppacha, alay tuqirusti Galilea qutata Mar Muerto sat qutakama, ukat aynach tuqirux Pisgá qullu kayukama.

4Basán markankir Og reyipa, refaitanakat jupakiw jilt'xäna, Astarot, Edrei uka markanakan jakäna.

5Jupan marka apnaqañapax Hermón qulluta, Salcá, Basán chiqat qalltasax Guesur, Maacá sat qurpakama, Galaad sata uka chika uraqkamänwa, ukasti Hesbón marka apnaqir Sihón reyinkänwa.

6Moisesampi israelitanakampix uka reyinakaruw atipjäna, ukatsti Moisesax uka uraqinak Rubén, Gad uka ayllunkirinakaruw churäna, ukhamarak Manasés ayllunkirinakat chikat jaqiparu.

7Josué chachasti israelitanakampix aka reyinakaruw Jordán jawirat inti jalanta tuqin atipjäna, Líbano qhirwankir Baal-gad chiqatpacha, Halac sat qullukama, Edom markat aynach tuqina. Josué chachasti uka uraqinakxa Israelan tunka payan ayllunakaparuw lakintäna wiñayatak jupanakankañapataki,

8qullu uraqinaka, pampa uraqinaka, Jordán qhirwanaka, qullu irananaka, wasar uraqinaka, ukhamarak Négueb sat uraqinaka. Uka uraqinakasti hititanakana, amorreonakana, cananeonakana, ferezeonakana, heveonakana jebuseonakan uraqipänwa.

9Israelitanakax aknïr markanakan reyinakaparuw atipt'äna: Jericó marka, Betel jak'ankir Ai marka,

10Jerusalén, Hebrón,

11Jarmut, Laquis,

12Eglón, Guézer,

13Debir, Guéder,

14Hormá, Arad,

15Libná, Adulam,

16Maquedá, Betel,

17Tapúah, Héfer,

18Afec, Sarón,

19Madón, Hasor,

20Simrón-merón, Acsaf,

21Taanac, Meguido,

22Quedes marka, Carmelo qullunkir Jocneam marka,

23quta thiyankir Dor marka, Guilgal chiqankir Goím marka,

24ukhamarak Tirsá marka. Taqpachax kimsa tunka mayan reyinakänwa.

← Chapter 11 Chapter 13 →