Job 35

aymara-1997

1Job, ¿Diosatak arsutaxax walikïskiwa satamasti, amuyatamat chiqap amuyukïskiti?

3Jumax Diosarux sistawa: “Nayatix jucha lursta ukasti, ¿kunansa jucha lurataxax jan walt'aytamxa?” sasa.

4Jichhasti nayaw sarakïma, jumarusa, masinakamarusa.

5Alaxpach uñtam, sum amuyarakim; qinayanakax jumat sipan juk'amp alayankiwa.

6Jumatix jucha lurstaxa, ukax janiw Diosarux kuna ñanqhsa lurkiti; qawqhas jach'a juchanak luraskam, janiw juparux kunsa kamächktati.

7Jumatix askinak lursta ukasti, janiw juparux kuna asksa lurktati

8Juman jucha luratamax jaqi masimaruw ñanqhachi, aski luratanakamasti jaqi masimatak askirakiwa.

9T'aqhisiyat uñjasisaw jaqinakax yanap mayisipxi; munañan jaqinakat qhispitäñ thaqhapxaraki;

10ukampis janiw jupanakar irnuqir Diosarux thaqtapkiti, t'aqhisiñan ch'ama churir Diosaru;

11jiwasar animalanak tuqi amuyt'ayiri, jiwasar jamach'inak tuqi yatichir Diosaru.

12Wararisipkiwa, ukampis Diosax janiw jupanakar ist'kiti, jupanakan qhuru, jach'a jach'a tukur jaqinakäpxatap layku.

13Taqi ch'aman Diosax janiw k'ari arunakarux ist'kiti.

14Jumax “Janiw Diosarux uñjkti” saskamsa, uka arsutamax jupa nayraqatankiwa jupar suyt'am, jupaw jumar uñjätam.

15Saraktawa: “Jupax janiw phiñaskiti, janirakiw mutuykisa, jucharus janiw ukakam uñjkiti” sasa.

16¡Job, jumax jan parlañ parlasktaxa, sintpun parltaxa, jan amuyt'asisaw taqi kuns arstaxa!

← Chapter 34 Chapter 36 →