Jeremiah 47

aymara-1997

1Egipton faraón reyipax Gaza sat markar janïra nuwantkipan Tatitux filisteo jaqinakatak Jeremías profetarux aka arunak parläna:

2“Tatitux akham siwa: Amsta tuqit walja umanakax mantani, jawirat jilarir umanakjama, aka markarusti, kunanakapatix utjki ukanakamppach q'ala chhaqtayi, uka markanakan jakirinakarusa, q'ala chhaqtayaraki. Uka markan jakirinakax taqiniw arnaqasipxi, jaqinakax walpun ayquñat arnaqasipxi.

3Caballonakan chhukhunitap ist'asa, carronakan jutatap ist'asa, llantanakapan ch'amampi muyutap ist'asaw, awkinakax ch'am pist'ayasipxi, ukatsti wawanakaparuw apanukuwayxapxi.

4Filisteonakar tukjañ urusti puriniwa, Tiro, Sidón uka markanakan yanapirinakapar tukjañ urusti purinxiwa.” Jïsa, Tatituw filisteo jaqinakarux q'al tukjani, Creta sat wat'at jutirinakaru.

5Gaza markankirinakax ñik'utap q'al mururasipxi, Ascalón markankirinakasti amutuw qhiparapxi. Nayra pacha jach'a tansa jaqinakat jilt'iri, usuyasitam uñacht'ayañatakix ¿kunapachkamas janchim kharinuqasïta?

6¡Ay, Tatitun espadapa! ¿Kunapacharak nanakar chhuxriñchañ suyt'xätasti? Imañamar kutintxam, llamp'uchasxam, pachparuk suyt'xam.

7Ukampisa, nayaw Israelan Tatitupätxa. Ascalón markankir filisteonakaru, quta iranan jakir filisteonakaru, taqi jupanakar jiwarayañ amtta. ¡Espadaxsti janipuniw akch'as samart'aykäti!

← Chapter 46 Chapter 48 →