Genesis 48

aymara-1997

1Mä qawqha pachatsti, Joseax awkipan sinti usutätap yatisin, jupax Manasés, Efraín wawanakap irpt'ataw awkipar tumpt'ir saräna.

2Jacobusti José yuqapan jupar tumpt'iri purinitap yatisax, wali ch'ama apsusaw ikiñapat qunthapïna.

3Josearusti akham sarakïna: —Taqi ch'aman Diosaw nayarux Canaán uraqinkir Betel markan uñstitu, ukatsti aka arunakampiw aski waxt'äwinak churitu:

4“Nayaw walja wawanakani tukuyäma, wawanakamasti walja markanak sayt'ayani. Ukhamarusa, wawanakamaruw aka uraqi churä. Wiñayatakiw jupanakankarakini” sasa.

5Jichhaxa, janïra nayax Egiptor purinkta ukapacha yuripki uka Efrainampi, Manasesampix, nayankxiwa, kunjämatix Rubén, Simeón wawanakax nayankkitu ukhama.

6Uka qhipat yurkani uka wawanakamakiw jumankxani, ukampisa Efrainampina, Manasesampina jilanakapätap laykusti, tuti katuqapxarakini.

7Nayax Padán-aram chiqat kuttasinkayät ukkhaw Raquel taykamax thakhin jiwxi; Canaán uraqina, Efrata markar jak'achkasa, ukat nayax thakhi thiyar jupar imt'xarakta, jichhasti uka markax Belén satäxarakiwa —sasa.

8Ukatsti akatjamat Jacobux Josean wawanakapar uñkati, ukat jiskt'araki: —¿Jupanakax khitinakasa? —sasa.

9Joseasti ukxaruw sarakïna: —Jupanakax Diosax aka Egipto uraqin churkitu uka wawanakawa —sasa. Ukat awkipax säna: —Uka wawanak jak'ar irpkatanirapita, nayan aski waxt'äwinak churañaxataki —sasa.

10Jacobusti sinti chuymanïxänwa, nayrapas juykt'xarakïnwa. Janiw sum uñjkxänti, ukhamasti Joseax wawanak awkipar irpkatäna, jupasti wawanakar qhumantasin jamp'att'äna.

11Josearusti sarakïnwa: —Nayax janiw jumar uñkatañ amtkxäyätti, ukampis Tatitux wawanakamsa uñkatayaskituwa —sasa.

12Joseasti wawanak awkipan jarphipat ichuqasin, killt'asisin p'iqip uraqir puriyañkamaw alt'äna.

13Ukatsti panpachaniruw amparat katxarüna, Efrainarux kupi amparampi, Manasesarusti ch'iqa amparampiraki, ukat awkip jak'ar irpkatäna. Ukhamaw Efrainax Jacobun ch'iqäxapankäna, Manasesasti kupïxapankarakïna.

1414 Jacob chachasti kupi amparap aytasaw Efraín sullka wawan p'iqipar luqxatäna, ukatsti ch'iqa amparap Manasesan p'iqiparuw luqxatarakïna, uksti amtañampiw luräna, Manasés wawan jilïr wawätap yatkasa.

15Ukatsti aka arunakampiw Josear aski waxt'äwinak churäna: “Abraham achachilaxana, Isaac awkixan Diosapawa, yurïwixatpach irpaskitu.

16Jupaw angelapar khithanirakitu walja ñanqhanakat nayar imiri. Jupay aka pä wawarux aski waxt'äwinak churpan. Sutixasti jupanak tuqi amtatäpan, Abraham achachilaxan sutipasa, Isaac awkixan sutipasa. Jupanakasti walja wawanakanïpxpan, aka uraqinsti waljanirurak tukupxpan” sasa.

17Joseatakisti awkipan Efrainar kupi amparampi luqxatatapax janiw walïkänti; ukhamasti awkipan amparap katusinxa, Manasesan p'iqipxaruw luqxatayäna,

18sarakïnwa: —¡Tata, janiw ukhamäkiti! Manasesaw jilïri wawaxaxa. Kupi amparam jupan p'iqipxar luqxatam —sasa.

19Ukampis awkipax janiw jayskänti, ukat sarakïna: —¡Wawaxay, nayax uk yattwa! Manasesax mä jach'a markaw tukuni. Ukampisa sullka jilapaw jupat sipana wali aytat uñjasini, wawanakapasti walja markanak sayt'ayani —sasa.

20Ukürusti Jacobux aka arunakampiw jupanakar aski waxt'äwinak churäna: —Israel markax aski waxt'äwinak churañatakix jumanakan sutim aytasini, akham sapxarakini: “Diosay jumar impan kunjämtix Efrainampiru, Manasesampiru imki ukhama” —sasa. Jacobux ukham Efrainarux Manasesat sipan nayrar usküna.

21Ukxarusti Josearuw sarakïna: —Nayax jiwañampïxtwa; ukampis Diosaw jumanakampïskani, ukatsti nayra awkinakaman uraqiparuw kuttayxapxarakïtam.

22Jumarusti jilanakamat sipan juk'amp jilankatamatxa, Siquem uraq chursma; uka uraqsti amorreonakampi nuwasisaw jupanakat apaqkta —sasa.

← Chapter 47 Chapter 49 →