Psalms 138

Aymara Bible 1986 (Aymar Bibliia 1986)

1Tatay, take chuymampiw jumar yuspagaräma; angelanacan nayrakatapan jumatac k'ochurapïma.

2Kollan templom uñcatataw quillt'asï, munasiñamampita, cheka cancañamampit sutimar yuspagarä: sutimarusa, arunacamarus take cunjjaruw jilancaytajja.

3Art'asinsma ucapachajj ist'istawa, almajjarusti ch'am yapjjatarapista.

4Tatay, arsutanacam ist'asinjja, acapachanquir reyinacajj jumaruw yuspagarapjjätam;

5Tatitun thaquipan sumätap k'ochupjjani, Tatitun c'ajquir cancañapan jach'ätap laycu.

6Tatitojj alajjpachancchi ucasa, llamp'u chuyman jakerojj uñtaniwa, jach'a jach'a tucur jakerusti jayat uñt'i.

7Chijinacar purcta ucapachajja, jumaw jacañajjar imtajja; ch'amamampiw timanacajjan amparapat khespiyistajja.

8Tatituw nayarojj asquinacamp phokhantitani: Tatay, qhuyapayasiñamajj wiñayawa, amparamamp luratanacarojj janiquiy armanucumti.

← Chapter 137 Chapter 139 →