2 Corinthians 13

Arabic APD 2024 (كِتاب العَهد الجَّديد مِن الكِتاب المُقَدَّس)

1دي المَرَّه التّالتَه أجي ليكُم. كُلّو كِلمَه بِخَشم شاهِدين ولّا تلاتَه تَكون ثابِتَه.

2أنا قُبّال دا حَذَّرتَ ديل الكانو بيَعمِلو خَطيَّه لَمّا كُنتَ مَعاكُم. و تاني مَرَّه و أنا مُش مَعاكُم بَحَذِّركُم و بَحَذِّر كُل التّانيين كَمان. و لَمّا بَرجَع ليكُم، أنا ما بَرحَم ديل البيَعمِلو خَطيَّه.

3عَشان إنتو تَطلُبو بيّنَه إنّو المَسيح بِتكَلَّم فِيني. و هو ما ضَعيف في عَمَلو مَعاكُم، لَكِن هو قَوّي فيكُم.

4و بِالحَق هو إنصَلَب في ضُعف، لَكِن هو بِعِيش بِقوَّة الله. و نِحنا كَمان ضَعيفين فيهو، و لَكِن نِحنا بِنعيش مَعاهو بِقُدرَة الله عَشان نَخدِمكُم.

5أعمِلو إمتِحان لِنُفوسكُم. إنتو عِندَكُم إيمان؟ جَرِّبو نُفوسكُم. ما بِتَعرِفو يَسُوع المَسيح فيكُم؟ إلّا إذا وَقَعتو في الإمتِحان.

6أنا عِندي رَجاء إنتو بِتَعرِفو نِحنا ما وَقَعنا في الإمتِحان.

7و نِحنا نَصَلّي لِلَّه عَشان إنتو ما تَعمِلو حاجَه بَطّالَه. و دا ما عَشان النّاس بِشوفو نِحنا مَرّينا بِالإمتِحان. لَكِن دا عَشانكُم تَعمِلو كوَيس، و لَو نِحنا بِقينا زي الوَقَعو في الإمتِحان.

8عَشان نِحنا ما نَقدَر نَعمِل حاجَه ضِد الحَق، لَكِن فِشان الحَق.

9عَشان نِحنا مَبسوطين كُلو وَكِت لأنِنا نَكون ضَعيفين و إنتو تَكونو قَوّيين. و نَصَلّي كَمان عَشان إنتو تَكونو كامِلين.

10عَلَشان كِدا بَكتِب دا و أنا ما مَعاكُم، عَشان لَمّا بَجي، ما لازِم أكون شَديد بِحَسَب السُّلطَه الأدّاها لَي الرَّب. و هو أدّاني السُّلطَه دي عَشان أبنيكُم، مُش عَشان أخَرِّبكُم.

11و في الأخير، يا أخوان، كونو مَبسوطين. كونو كامِلين، كونو شُجعان، فَكِّرو فِكرَه واحدَه، عيشو في السَّلام. و إلَه المَحَبَّه و السَّلام يَكون مَعاكُم.

12سَلِّمو بَعضَكُم لِبَعض بِسَلام مُقَدَّس.

13كُل القِدِّسين يَسَلِّمو عَليكُم.

14نِعمَة رَبَّنا يَسُوع المَسيح و مَحَبَّة الله و شَرِكَة الرّوح القُدُس يَكون مَعَ كُلُّكُم.