1 Corinthians 5

Arabic APD 2024 (كِتاب العَهد الجَّديد مِن الكِتاب المُقَدَّس)

1بِالحَق يَخَبِّرونا في بينكُم زِنا، و زِنا مِن النوع الما بِكون في بين الأُمَم، لِغايَة ما الزّول عِندو مَرَة أبوهو.

2و إنتو لِسَّع مِتكَبِّرين. لِشِنو ما تَكونو حَزنانين و تَشيلو مِن وَسِطكُم الرّاجِل العَمَل دا؟

3أنا ما مَعاكُم في الجِّسم، لَكِن أنا مَعاكُم في الرّوح. مِن قُبّال أنا حَكَمتَ عَلى الرّاجِل العَمَل العَمَل دا، زي ما أنا في.

4و لَمّا إنتو و روحي مِتلَمين بِإسم رَبَّنا يَسُوع، مَعَ قُوَّة رَبَّنا يَسُوع،

5إنتو تَسَلِّمو الرّاجِل دا لِلشّيطان لِخَراب الجِّسم، عَشان روحو تَخَلَص في يوم الرَّب يَسُوع.

6كِبِركُم ما كوَيس. ما بِتَعرِفو خَميرَه صَغَيرَه تَخَمِّر العَجين كُلّو؟

7أُخدو مِنَّكُم الخَميرَه القَديمَه عَلَشان تَكونو عَجين جَديد، زي ما إنتو بِالحَق عيش بِدون خَميرَه. عَشان المَسيح، الحَمَل بِتاع عيد الفِصَح، إنضَبَح فِشانّا.

8عَشان كِدا خَلّونا نَعَيِّد مُش بِخَميرَه قَديمَه، يَعني خَميرَة الذَّنب و الشَّر. لَكِن نَعَيِّد بِالعيش البِدون خَميرَه، يَعني عيش الإخلاص و الحَق.

9كَتَبتَ ليكُم في جَوابي أن ما تِتلَمّو مَعَ النّاس البيَعمِلو الزِّنا.

10أنا ما كُنتَ بَتكَلَّم عَن زانيين الدُّنيا دي، ولّا الطَّمّاعين ولّا الحَراميَه، ولّا اليَعبُدو الأصنام. عَشان إذا كان عَمَلتو كِدا، لازِم تَمرُقو مِن الدُّنيا.

11لَكِن هَسَّع بَكتِب ليكُم، ما تِتلَمّو مَعَ واحِد البِسَمّوهو أخو، إذا هو بيَعمِل زِنا ولّا هو طَمّاع، ولّا يَعبُد الأصنام، ولّا شَتَّم، ولّا مَرّاسي، ولّا حَرامي. و ما تاكلو مَعَ واحِد زي دا.

12عَشان دا شُغلي أحكُم عَليهُم المِن بَرَّه؟ ديل المِن جُوَّه، إنتو ما بِتَحكُمو عَليهُم؟

13الله هو اليَحكُم عَليهُم المِن بَرَّه. أطرُدو الزّول الشَّرّير مِن بينكُم.

← Chapter 4 Chapter 6 →