Psalms 132

Amharic Tigrinya (መፅሓፍ ቅዱስ) No Year

1ኦ ጐይታ፥ ንዳዊትን ንዅሉ የዋህነቱን ዘክር።

2ንሱ ንእግዚኣብሄር ከም ዝመሓለ፥ ንኣምላኽ ያእቆብውን ከም ዝተመባፅዐ፥

3ብሓቂ ናብ ድንኳን ገዛይ ኣይኣቱን እየ፤ ናብ ምንፃፍ ዓራተይውን ኣይድይብን፤

4ነዒንተይ ድቃስ፥ ንቐራንብተይ ትኻስ፥ ንመላትሐይ ዕረፍቲ ኣይህብን፤ ንእግዚኣብሄር ስፍራ፥ ንኣምላኽ ያእቆብ መሕደሪ ኽሳዕ ዝረክብ ኢሉ።

6እንሆ፥ ኣብ ኤፍራታ ሰማዕናዮ፤ ኣብ ውሽጢ በረኻ ኸዓ ረኸብናዮ።

7ናብ መሕደሪኡ ኽንኣቱ ኢና፤ ኣብ መርገፂ እግሩውን ክንሰግድ ኢና።

8ኦ ጐይታ፥ ንስኻን ታቦት መቕደስካን፥ ናብ ዕረፍትኻ ተስእ።

9ካህናትካ ፅድቂ ይልበሱ፤ ቅዱሳንካ ድማ ደስ ይበሎም።

10ስለ ኣገልጋሊኻ ስለ ዳዊት፥ ካብቲ ዝቐባእኻዮ ገፅካ ኣይትመልስ።

11እግዚኣብሄር ንዳዊት ብሓቂ መሓለ፤ ኣይናሳሕንውን፤ ከምዙይ ኢሉ፦ ካብ ፍረ ኸርስኻ ኣብ ዙፋንካ ኸቐምጥ እየ፤

12ውሉድካ ኺዳነይን ነቲ ዝምህሮም ምስክርነተይን እንተ ሓሊዮም፥ ደቆም ኣብ ዙፋንካ ንዘለኣለም ክቕመጡ እዮም።

13እግዚኣብሄር ንፅዮን ሓርዩዋ እዩ እሞ፤ መሕደሪኡ ኽትከውን ድማ ፈትዩዋ እዩሞ፥ ከምዙይ ኢሉ፦

14እዚኣ ንዘለኣለም መዕረፊተይ እያ፤ መሪፀያ እየሞ፥ ኣብኣ ኽሓድር እየ።

15ንኣረግቶታውን ኣፀቢቐ ኽባርኸን እየ፤ ንድኻታታ ድማ እንጀራ ኸፅግቦም እየ።

16ንኻህናታ ድሕነት ከልብሶም እየ፤ ቅዱሳና ኸዓ የመና ኽሕጐሱ እዮም።

17ኣብኡ ንዳዊት ቀርኒ ኸብቍል እየ፤ ነቲ ዝቐባእኹዎውን መብራህቲ ኸዳሉ እየ።

18ንፀላእቱ ሕፍረት ከልብሶም እየ፤ ብእኡ ግና ቕድስናይ ኽዕምብብ እዩ።

← Chapter 131 Chapter 133 →