bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Amharic
/
Amharic Gofa GFBLVF (Geeshsha Maxaafa)
/
Romans 14
Romans 14
Amharic Gofa GFBLVF (Geeshsha Maxaafa)
1
Ammanon daaburida oonaka shiishi ekitepe attishin, iya qofaa bolla pirdofite.
2
Leemisos, ammanon minnida issi asi ay kathika maanaw danda7ees. Shin ammanon daaburiya asi atakilte xalaala mees.
3
Ubbabaa miya asi moonna uraa kadhopo. Ubbabaa moonna asi miya uraa bolla pirdofo. Xoossay ubbaa miya uraa shiishi ekis.
4
Hara asa aylle bolla pirdey neeni oonee? I daaburin woyko minnin ba Godaasa. Goday iya essanaw danda7iya gisho I minnidi eqana.
5
Qassi “Issi gallasay hara gallasape aadhees” yaagidi qopiya asi de7ees. Haray qassi, “Gallasati ubbay issi mela” gidi qopees. Shin issoy issoy ba qofaa akeekidi qacho.
6
Issi gallasaa hara gallasatape aathidi bonchiya oonika Godaa bonchoos gidi oothees. Ubba kathi miya asi Godaa bonchoos gidi mees. I miya he kathaa gisho, Xoossaa galatees. Ubba kathi moonna asi Godaa bonchoos moonna aggees; qassi moonna agon Xoosse galatees.
7
Nuupe oonika baw deenna; qassi nu giddofe oonika baw hayqenna.
8
Nu de7on de7iko Godaas de7oos; qassi hayqikoka Godaas hayqoos. Hiza, nu de7on de7in woyko hayqin Godaasa.
9
Kiristoosi hayqidi hayqope dendiday, de7on de7eysatasinne hayqidaysatas Godaa gidanaasa.
10
Yaatin, neeni ne ishaa bolla ayis pirday? Woyko neeni ne ishaa ayis kadhay? Nuuni ubbay Xoossaa pirda araata sinthan eqana.
11
Geeshsha Maxaafan Goday, “Taani de7on de7ayis; asa ubbay ta sinthan gulbatana; taani Xoossaa gideysa markatana” yaagees.
12
Hiza, nu oothidabaas nu huuphen huuphen Xoossaa sinthan shiiqidi zaaro immana.
13
Hessa gisho, nuuni issoy issuwa bolla pirdeysa aggoos. Shin hinte ishaa dhubisidi woyko qaxidi nagaran gelsiyaba oothonnaada naagetite.
14
Godaa Yesuusa ammaniya asada, ba huuphen tuna gidida kathi baynaysa taani geeshshada erayis. Shin issi asi issiba tuna gidi qopiko hessi iyaw tuna gidees.
15
Ne miya katha gisho ne ishaa dhubiyaba gidiko, Kiristoosan de7iya ne ishaa siiqaka. Kiristoosi iya gisho hayqida uraa ne miya kathan iya ayyaana de7uwa dhaysofa.
16
Hiza, hintew de7iya la77atetha harati borana mela oothopite.
17
Xoossaa kawotethay Geeshsha Ayyaanay immiya xillotethi, sarotethinne tuma ufaysife attishin, muussabaanne ushshaba gidenna.
18
Hessada Kiristoosas oothiya asi Xoossaa ufaysees; asanka anjetees.
19
Hessa gisho, ane nuuni sarotethi bentiya ogiyanne issuwa issuwa ammanon minthiya ogiya koyoos.
20
Katha gisho gada Xoossaa oosuwa dhaysofa. Ubba kathi meetetees, shin hara asi nagaran dhubisiya kathi muussi iita.
21
Ne ishay dhubetonna mela asho moonna woyko ushshu uyonna woyko ne ishaa dhubiya haraba oothonna agoy lo77o.
22
Hiza, ha ne ammanuwa ne giddoninne ne Xoossaa giddon naaga. Like gidi qopidaba oothiya wode iya kahay mootonna uray anjetidaysa.
23
Shin sidhishe miya uraas iya muussay ammanon gidonna gisho pirdetees. Ammanoy bayna oosetida ooso ubbay nagara.
← Chapter 13
Chapter 15 →