Psalms 54

Amharic Gofa GFBLVF (Geeshsha Maxaafa)

1Abeeti Xoossaw, ne sunthan tana ashsha; ne wolqan taw pirda.

2Abeeti Xoossaw, ta woosa si7a; ta doona qaala hayza.

3Allaga asati ta bolla dendidosona; daganthiya asati tana wodhanaw koyoosona; enti Xoossaa qopokona.

4Xoossay taw maade; Goday taw zempo.

5Abeeti Xoossaw, ta morketa iitatethaa enta bolla zaara; ne tumatethaa gisho enta dhaysa.

6Abeeti Godaw, taani ta dosan new yarshana; ne keeha gidiya gisho ne sunthaa galatana.

7Ne tana, ta meto ubbaafe ashshadasa; ta morketa xoonetethaa ta ayfen be7as.

← Chapter 53 Chapter 55 →