Psalms 30

Amharic Gofa GFBLVF (Geeshsha Maxaafa)

1Abeeti Godaw, ne tana ollafe kessida gishonne ta morketi ufaytonna mela oothida gisho, ta nena dhoqu dhoqu oothana.

2Abeeti Godaw, ta Xoossaw tana maaddana mela, ta nena xeegin ne tana pathadasa.

3Abeeti Godaw, duufo gelonnaada tana naagadasa; ollan wodhonnaada tana paxa ashshadasa.

4Hinteno Xoossaa asaw, Godaas yexite; iya geeshsha sunthaa sabbite.

5Iya hanqoy guutha wodesa, shin iya keehatethay de7o laytha ubbaasa. Qamma yeekishe aqiko, wonta zawi bayna ufaysi gidees.

6Ta naagetada de7eysa erida wode “Hiza ta qaaxike” yaagas.

7Abeeti Godaw, ne taw keehida wode, zumada tana minthada essadasa. Shin ne som7uwa hara soo zaarida wode, ta dagammas.

8Abeeti Godaw, ta nena xeegas; nena maarota woossas;

9“Ta duufo geliko nena ay go77ii? Biitta giddo gelida asi waatidi nena galatanaw danda7ii? Ne ammanetetha waatidi markatanee?

10Abeeti Godaw, ne tana si7a; taw qadheta. Abeeti Godaw, ne taw maado gida” yaagas.

11Ta yeehuwa yethan laammadasa; kayo ma7uwa taape qaarada, tana ufaysi mayzadasa.

12Hessa gisho, ta nena sabbana; si77i giike. Abeeti Godaw, ta Xoossaw, ta nena merinaw galatana.

← Chapter 29 Chapter 31 →