Psalms 148

Amharic Gofa GFBLVF (Geeshsha Maxaafa)

1Godaa galatite! Salope Godaa galatite; bolla dhoqan iya galatite.

2Iya kiitanchoti ubbay iya galatite; Salon de7iya iya olanchoti ubbay iya galatite.

3Away, ageenay iya galatite; poo7iya xoolintoti ubbay iya galatite.

4Dhoqa saloti iya galatite; Salope bollara de7iya haathati iya galatite.

5Enti ubbay Godaa sunthaa galato; I kiittin enti medhetidosona.

6I enta merinaw enta bessan bessan wothis; shaaretonna higge entaw immis.

7Sa7ape Godaa galatite! abban de7iya gita medhetethato; abba ciimmoto ubbay iya galatite.

8Wol7anthaw, shachaw, shaaraw, caaganaw, iya kiita poliya carkuwaw, ubbay iya galatite.

9Dereto, zumato, meetetiya ayfe ayfiya mithato, zigato, ubbay iya galatite.

10Meheto, do7ato, sa7ara gooshetiya medhetethato, paalliya kafoto ubbay iya galatite.

11Kawoto, kawotethato, halaqato, deriya haareysato, ubbay iya galatite.

12Panthato, geela7oto, cimato, nayto, ubbay iya galatite.

13Iya sunthay ubbaafe dhoqa gidiya gishonne iya bonchoy salotapenne sa7ape dhoqa gidiya gisho, enti ubbay Godaa sunthaa galato.

14Iyaw mata gidida Isra7eele, I dhoqu dhoqu oothis; iya galatana mela enta minthethis. Godaa galatite!

← Chapter 147 Chapter 149 →