Psalms 138

Amharic Gofa GFBLVF (Geeshsha Maxaafa)

1Godaw, ta kumetha wozanan nena galatana; xoossata sinthan nena sabbana.

2Ne geeshsha keethaako simmada nena goyinnana; ne siiquwa gishonne ne tumatethaa gisho galatana. Ne sunthaa gishonne ne qaala dhoqatethaa gisho galatana.

3Taani xeegida wode ne taw koyadasa; ne minotethan tana minthadasa.

4Godaw, ne doonape keyiya qaala si7iya wode, sa7an de7iya kawoti ubbay nena galato.

5Godaa bonchoy gita gidiya gisho, enti Godaa ogiyaba yexo.

6Goday bolla dhoqan de7ikoka, manqota keeha ayfen xeellees; shin otoranchota haahon erees.

7Taani meto giddora hemetikoka, neeni tana naagasa. Ta morketa hanquwa bolla ne kushiya miccaasa; ne ushacha kushiyan tana ashshaasa.

8Goday taw gelida qaala polana; Godaw, ne siiqoy merinaasa; Ne kushe oosuwa yegga aggofa.

← Chapter 137 Chapter 139 →