Psalms 136

Amharic Gofa GFBLVF (Geeshsha Maxaafa)

1Godaa galatite! I keeha; iya siiqoy merinaasa.

2Xoossata Xoossaa galatite! Iya siiqoy merinaasa.

3Godata Godaa galatite! Iya siiqoy merinaasa.

4Iya xalaali gita malaalsiyaba oothees; iya siiqoy merinaasa.

5Ba cincatethan salota medhis; iya siiqoy merinaasa.

6Haatha bolla biitta miccis; iya siiqoy merinaasa.

7Gita poo7ota medhis; iya siiqoy merinaasa.

8Awi gallas haarana mela oothis; iya siiqoy merinaasa.

9Ageeninne xoolintoti qamma haarana mela oothis; iya siiqoy merinaasa.

10Gibxe biittan bayrata wodhis; iya siiqoy merinaasa.

11Isra7eele asaa Gibxefe kaalethidi kessis; iya siiqoy merinaasa.

12Ba mino kushiyan, ba wolqaama qesiyan haysa oothis; iya siiqoy merinaasa.

13Zo7o Abbaa shaakis; iya siiqoy merinaasa.

14Isra7eele asaa he abba giddora pinthis; iya siiqoy merinaasa.

15Gibxe kawanne iya olanchota Zo7o Abban muukisis; iya siiqoy merinaasa.

16I ba asaa mela biittara kaalethis; iya siiqoy merinaasa.

17Gita kawota shocis; iya siiqoy merinaasa.

18Wolqaama kawota wodhis; iya siiqoy merinaasa.

19Amoore kawa Sihoona wodhis; iya siiqoy merinaasa.

20Baasane kawa Ooge wodhis; iya siiqoy merinaasa.

21Enta biitta ba asaa laatisis; iya siiqoy merinaasa.

22Ba aylliya Isra7eele laatisis; iya siiqoy merinaasa.

23Nu kawuyida wode nuna qopis; iya siiqoy merinaasa.

24Nuna nu morketape ashshis; iya siiqoy merinaasa.

25Medhetetha ubbaas kathi immees; iya siiqoy merinaasa.

26Salo Xoossaa galatite! iya siiqoy merinaasa.

← Chapter 135 Chapter 137 →