Job 25

Amharic Gofa GFBLVF (Geeshsha Maxaafa)

1Hessafe guye, Shuuha biittafe yida Beldadoosi haysada yaagidi zaaris;

2“Xoossay haareysanne yashsheysa; I dhoqa saluwa sarotethan haarees.

3Iya olanchota taybanaw danda7iya asi de7ii? Xoossa poo7oy gakonna bessi de7ii?

4Yaatin, asi Xoossaa sinthan xillo gidanaw danda7ii? Maccasape yeletida asi geeshshi gidanaw danda7ii?

5Xoossaa sinthan ageenika kumetha poo7o gidenna; iya sinthan xoolintotika geeshshi gidokona.

6Yaatin, Xoossaa sinthan wooqanne guxune gidida asi ay mela laafee?” yaagis.

← Chapter 24 Chapter 26 →