1 Chronicles 20

Amharic Gofa GFBLVF (Geeshsha Maxaafa)

1Laytha laamen kawoti olas keyiya wode Iyo7aabi olanchota kaalethidi Amoone biitta olidi Raaba katamaa oykis. Shin Dawiti Yerusalaamen attis; Iyo7aabi Raaba katamaa olidi dhaysis.

2Hessafe guye, Dawiti yidi enta kawa worqa kallachaa iya huuphepe ekis. Kallacha deexoy hastamanne oyddu kilo giraame gidis; iya giddon al7o shuchi de7ees. He kallachaa ekidi Dawiti ba huuphen wothis. Qassi Dawiti he katamaape daro di7o di77is.

3Kataman de7iya asaa kessidi magaazen, konteninne kaltan oosisis. Amoonen de7iya asa ubbaa hessada oosisis. Hessafe guye, Dawitinne iya asa ubbay Yerusalaame simmis.

4Hessafe guye, Filisxeemera Gezeran oli dendin, Kusata addey Sabaki, Raafayme yara gidida Sifaya wodhis. Yaatin, Filisxeemeti xoonetidosona.

5Filisxeemetara dendida hara olan qassi Ya7ira na7ay Eliyaani, toora toomay wandaraashe mela gidida, Geete addiya Gooliyada ishaa, Lahima wodhis.

6Qassi hara oli Geeten dendis. He bessan issi wogga adussa addey de7ees. He addiyas issi issi kushiyaninne issi issi tohuwan usupun, woli bolla laatamanne oyddu biradheti de7oosona. Ika Raafa yara.

7He uray Isra7eeletara qeeletida wode Dawita ishaa Sam7a na7ay Yoonataani iya wodhis.

8Haysati Geeten de7iya Raafa yarata; enti Dawita kusheninne iya asaa kushen hayqidosona.

← Chapter 19 Chapter 21 →