Romans 14

Amharic Gofa GFBEVF (ጌሻ ማፃፋ)

1አማኖን ዳቡርዳ ኦናካ ሺሽ ኤክተፐ አትሽን፥ እያ ቆፋ ቦላ ፕርዶፍተ።

2ሌምሶስ፥ አማኖን ምንዳ እስ አስ አይ ካካ ማናዉ ዳንዳኤስ። ሽን አማኖን ዳቡርያ አስ አታክልተ ፃላላ ሜስ።

3ኡባባ ምያ አስ ሞና ኡራ ካፖ። ኡባባ ሞና አስ ምያ ኡራ ቦላ ፕርዶፎ። ፆሳይ ኡባ ምያ ኡራ ሺሽ ኤክስ።

4ሀራ አሳ አይለ ቦላ ፕርደይ ኔኒ ኦኔ? እ ዳቡርን ዎይኮ ምንን ባ ጎዳሳ። ጎዳይ እያ ኤሳናዉ ዳንዳእያ ግሾ እ ምንድ ኤቃና።

5ቃስ “እስ ጋላሳይ ሀራ ጋላሳፐ አስ” ያግድ ቆፕያ አስ ደኤስ። ሀራይ ቃስ፥ “ጋላሳት ኡባይ እስ መላ” ግድ ቆፔስ። ሽን እሶይ እሶይ ባ ቆፋ አኬክድ ቃቾ።

6እስ ጋላሳ ሀራ ጋላሳታፐ አድ ቦንችያ ኦንካ ጎዳ ቦንቾስ ግድ ኦስ። ኡባ ካ ምያ አስ ጎዳ ቦንቾስ ግድ ሜስ። እ ምያ ሄ ካ ግሾ፥ ፆሳ ጋላቴስ። ኡባ ካ ሞና አስ ጎዳ ቦንቾስ ሞና አጌስ፤ ቃስ ሞና አጎን ፆሰ ጋላቴስ።

7ኑፐ ኦንካ ባዉ ዴና፤ ቃስ ኑ ግዶፈ ኦንካ ባዉ ሀይቀና።

8ኑ ደኦን ደእኮ ጎዳስ ደኦስ፤ ቃስ ሀይቅኮካ ጎዳስ ሀይቆስ። ህዛ፥ ኑ ደኦን ደእን ዎይኮ ሀይቅን ጎዳሳ።

9ክርስቶስ ሀይቅድ ሀይቆፐ ደንድዳይ፥ ደኦን ደኤይሳታስነ ሀይቅዳይሳታስ ጎዳ ግዳናሳ።

10ያትን፥ ኔኒ ነ እሻ ቦላ አይስ ፕርዳይ? ዎይኮ ኔኒ ነ እሻ አይስ ካይ? ኑኒ ኡባይ ፆሳ ፕርዳ አራታ ስንን ኤቃና።

11ጌሻ ማፃፋን ጎዳይ፥ “ታኒ ደኦን ደአይስ፤ አሳ ኡባይ ታ ስንን ጉልባታና፤ ታኒ ፆሳ ግደይሳ ማርካታና” ያጌስ።

12ህዛ፥ ኑ ኦዳባስ ኑ ሁጰን ሁጰን ፆሳ ስንን ሺቅድ ዛሮ እማና።

13ሄሳ ግሾ፥ ኑኒ እሶይ እሱዋ ቦላ ፕርደይሳ አጎስ። ሽን ህንተ እሻ ብስድ ዎይኮ ቃፅድ ናጋራን ገልስያባ ኦናዳ ናገትተ።

14ጎዳ የሱሳ አማንያ አሳዳ፥ ባ ሁጰን ቱና ግድዳ ካ ባይናይሳ ታኒ ጌሻዳ ኤራይስ። ሽን እስ አስ እስባ ቱና ግድ ቆፕኮ ሄስ እያዉ ቱና ግዴስ።

15ነ ምያ ካ ግሾ ነ እሻ ብያባ ግድኮ፥ ክርስቶሳን ደእያ ነ እሻ ሲቃካ። ክርስቶስ እያ ግሾ ሀይቅዳ ኡራ ነ ምያ ካን እያ አያና ደኡዋ ይሶፋ።

16ህዛ፥ ህንተዉ ደእያ ላአተ ሀራት ቦራና መላ ኦፍተ።

17ፆሳ ካዎተይ ጌሻ አያናይ እምያ ፅሎተ፥ ሳሮተነ ቱማ ኡፋይስፈ አትሽን፥ ሙሳባነ ኡሻባ ግደና።

18ሄሳዳ ክርስቶሳስ ኦያ አስ ፆሳ ኡፋይሴስ፤ አሳንካ አንጀቴስ።

19ሄሳ ግሾ፥ አነ ኑኒ ሳሮተ በንትያ ኦግያነ እሱዋ እሱዋ አማኖን ምንያ ኦግያ ኮዮስ።

20ካ ግሾ ጋዳ ፆሳ ኦሱዋ ይሶፋ። ኡባ ካ ሜተቴስ፥ ሽን ሀራ አስ ናጋራን ብስያ ካ ሙስ ኢታ።

21ነ እሻይ በቶና መላ አሾ ሞና ዎይኮ ኡሹ ኡዮና ዎይኮ ነ እሻ ብያ ሀራባ ኦና አጎይ ሎኦ።

22ህዛ፥ ሀ ነ አማኑዋ ነ ግዶንነ ነ ፆሳ ግዶን ናጋ። ልከ ግድ ቆፕዳባ ኦያ ዎደ እያ ካሀይ ሞቶና ኡራይ አንጀትዳይሳ።

23ሽን ስሸ ምያ ኡራስ እያ ሙሳይ አማኖን ግዶና ግሾ ፕርደቴስ። አማኖይ ባይና ኦሰትዳ ኦሶ ኡባይ ናጋራ።

← Chapter 13 Chapter 15 →