Psalms 97

Amharic Gofa GFBEVF (ጌሻ ማፃፋ)

1ጎዳይ ካዎትዳ ግሾ ሳአን ደእያ አሳይ ኡፋይቶ፤ ዩሾይ አባን ተቀትዳ ቢታት ኡፋይቶ።

2ሻርነ ሳካና ም እያ ዩሹዋን ደኤስ፤ ፅሎተነ ቱማተ እያ አራታ ባሶ።

3ታም እያ ስንራ ቤስ፤ እያ ዩሹዋን ደእያ ሞርከታ ፁጌስ።

4እያ ዎልአንይ ብታ ኡባ ፖእሴስ፤ ቢታይ ሄሳ በእድ ኮኮሬስ።

5ደረት ጎዳ ስንን፥ ሳኣ ኡባ ጎዳ ስንን ሙቃዳዳ ትልእዶሶና።

6ሳሎት እያ ፅሎተ አዋጆሶና፤ አሳ ኡባይ እያ ቦንቹዋ በኦሶና።

7ኤቃታ ጎይነይሳትነ ኤንታን ጬቀተይሳት ኡባይ ዬላቶ፤ ኤቃት ኡባይ ጎዳስ ጉልባቶ።

8አቤት ጎዳዉ፥ ፅዮነይ ነ ፅሎ ፕርዳ ስእድ ኡፋይቴስ፤ ይሁዳ ማጫ ናይትካ ሀሹ ጎሶና።

9አቤት ጎዳዉ፥ ኔኒ ሳአ ኡባ ቦላ ቃ፤ ፆሳታ ኡባፈ ኔኒ ቁ ጋዳሳ።

10ጎዳ ዶሰይሳቶ፥ ኢታ እፅተ፤ እያን አማነተይሳታ ሸምፑዋ እ ናጌስ፤ ኢታታ ኩሸፐ ኤንታ አሼስ።

11ፅሎታ ቦላ ፖኦይ ፖኤስ፤ ዎዛና ሱረታስ ኡፋይስ ደኤስ።

12ህንተኖ ፅሎቶ፥ ጎዳን ኡፋይትተ፤ እያ ጌሻ ሱን ጋላትተ።

← Chapter 96 Chapter 98 →