Psalms 92

Amharic Gofa GFBEVF (ጌሻ ማፃፋ)

1ጎዳ ጋላቶይ ሎኦ፤ ኡባፈ ቃ ፆሳዉ፥ ነ ሱን ሳቦይ ሎኦ።

2ዎንታ ዎንታ ነ ሲቁዋ ኦዶይ፥ ቃማ ነ አማነተ አዋጆይ ሎኦ።

3ታሙ ሻያን ዋፀትዳ ዲን ማስንቆ ካእሸ ነና ጋላቶይ ሎኦ።

4ታኒ ነ ኦሱዋን ኡፋይትዳ ግሾ፥ ነ ኩሸ ኦሱዋ ግሾ ነና ጋላታይስ።

5ጎዳዉ፥ ነ ኦሶይ አይ መላ ግተ! ነ ቆፋይ አይ መላ ጪሞ!

6ኤያ አስ ኤራናዉ ዳንዳኤና፤ ዎዛን ባይና አስ አኬካናዉ ዳንዳኤና።

7ኢታት ማታዳ ድጭኮካ፥ ኢታ ኦይሳት ዳይኮካ፥ ኤንቲ መርናዉ ያና።

8ሽን አቤት ጎዳዉ፥ ኔኒ መርናዉ ኡባፈ ቃ።

9አቤት ጎዳዉ፥ ቱማ ነ ሞርከት ያና፤ ኢታ ኦያ ኡባይ ፕስክ ጋና።

10ታ ካጭያ መን ካጨዳ ቁ ኦዳሳ፤ ሎኦ ዛይተ ታ ሁጰን ትያዳሳ።

11ታ ሞርከት ፆነትሽን ታ አይፈን በአስ፤ ታና ኡንኤይሳት ዋስሽን ታ ሀይን ስአስ።

12ፅሎት ዛምባዳ ድጫና፤ ልባኖሰ ዝጋዳ ዳያና።

13ኤንቲ ጎዳ ኬን ቶከትዳ ም መላ፤ ኤንቲ ኑ ፆሳ ዳባባን ዳና።

14ኤንቲ ጬግድካ አይፋና፤ ኤንቲ እርፃነ ጭልኦ ግድድ ዳና።

15ኤንቲ፥ “ጎዳይ ሱረ፤ እ ታ ዛላ፤ እያን ኢታተ ባዋ” ያጋና።

← Chapter 91 Chapter 93 →