Psalms 8

Amharic Gofa GFBEVF (ጌሻ ማፃፋ)

1አቤት ጎዳዉ ኑ ፆሳዉ፥ ነ ሱንይ ቢታ ኡባን ዋንድ ቦንቸትደ! ኔኒ ነ ቦንቹዋ ሳሎፐ ቦላራ ቁ ቁ ኦዳሳ።

2ኔኒ ነ ሞርከታ ግሾ ነ ሞርክያነ ነና ማንደይሳ ስእ ኦናዉ፥ ጉ ናይታ ዶናን ምያ ናይታ ዶናን ጋላታ ኩንዳሳ።

3ኔኒ ነ ብራን መዳ ነ ሳሎታ፥ እያ በሳን በሳን ኔኒ ዎዳ አጌናነ ፆልንቶታ ታኒ በእያ ዎደ፥

4ኔኒ አሳባ ቆፓናዉ አስ አይቤ? ዎይኮ ኔኒ እያ ፆሞሳናዉ እ አይቤ?

5እያ ነ ኔፐ ጉራ ጉዳሳ፤ ቦንቾነ ግታተ ካላቻ እያ ሁጰን ዎዳሳ።

6ነ መዳ መተ ኡባ፥ ሃራና መላ ነ እያ ሹማዳሳ፤ ኡባ እያ ቶሁዋፐ ጋርሳራ ዎዳሳ።

7ዶርሳታነ መሄታ፥ ዎራ ዶአታ ኡባ፥

8ሳሎ ካፎታ፥ አባ ሞሎታነ ሃ ጋርሳን ቃፅያ ኡባ እያዉ ሃርሳዳሳ።

9አቤት ጎዳዉ ኑ ፆሳዉ፥ ነ ሱንይ ቢታ ኡባን ዋንድ ቦንቸትደ!

← Chapter 7 Chapter 9 →