Psalms 79

Amharic Gofa GFBEVF (ጌሻ ማፃፋ)

1ፆሳዉ፥ አይሁደ ግዶና አሳይ፥ ነ ቢታ ቦላ ደንድዶሶና፤ ነ ጌሻ ኬ ቱንስዶሶና፤ የሩሳላመ ላልዶሶና።

2ነ አይለታ አሀ ሳሎ ካፎታስ፥ ነ ጌሻታ አሹዋ ሳአ ዶአታስ እምዶሶና።

3ኤንታ ሱ የሩሳላመ ዩሾን ሃዳ ጉስዶሶና፤ ኤንታ አሀ ሞግያ አስ ይስ።

4ኑ ሾሮታስ ኑኒ ሚቻስ፥ ኑ ሄራን ደእያ አሳስ ቀልቅሰስ አትዳ።

5ጎዳዉ፥ ሄስ አዉደ ጋካናዉ ሀናኔ? ኔኒ ኑ ቦላ መርናዉ ሀንቀታዲ? ነ ሀንቆይ ታማዳ ኤፅሸ ዳነዬ?

6ነና ኤሮና ደረታ ቦላ፥ ነ ሱን ፄጎና ካዎተታ ቦላ ነ ሀንቁዋ ዛራ።

7ሄስካ ኤንቲ ያይቆባ ምዳ ግሾነ ኤንቲ ደእያ በሳ ይስዳ ግሾሳ።

8ኑኒ ዳሮ መቶትዳ ግሾ፥ ኑ ማይዛታ ኢታተ ኑ ቦላ ታይቦፓ፤ ኤሶን ነ ማሮታ ኑስ ኪታ።

9አቤት ኑና አሽያ ፆሳዉ፥ ነ ቦንቾ ሱን ግሾ ኑና ማዳ። ነ ሱን ግሾ ኑና አሻ፤ ኑ ናጋራ አቶ ጋ።

10ደረት፥ “ኤንታ ፆሳይ አዉን ደኢ?” አይስ ጋኔ? ነ አይለታ ሱ ኤንቲ ጉስዳ ግሾ፤ ኔኒ ሀሎ ከየይሳ ኑ ፄልሽን፥ ኤንታ ግዶን ቆንጭሳ።

11ቃሾ አሳ ኦለይ ነ ስን ጋኮ፤ ሀይቆ ፕርደትዳይሳታ ነ ዎልቃ ግታተን አሻ።

12ጎዳዉ፥ ኑ ሾሮት ነና ቶችዳ ግሾ፥ ላፑን ኩሸ ሀሎ ከያዳ ኤንታ ክኦን እድን።

13ሄ ዎደ ኑኒ ነ አሳይ፥ ነ ዶርሳት፥ መርናዉ ነና ጋላታና። የለተፈ የለተ ጋካናዉ፥ ነ ፔሻ ኦዳና።

← Chapter 78 Chapter 80 →