Psalms 75

Amharic Gofa GFBEVF (ጌሻ ማፃፋ)

1አቤት ፆሳዉ፥ ነዉ ጋላታ እሞስ፤ ነ ሱንይ ማታ ግድያ ግሾ ነና ጋላቶስ፤ አሳይ ነ ማላልስያ ኦሱዋ ኦዶሶና።

2ፆሳይ ሀይሳዳ ያጌስ፤ “ታኒ ፕርዳ እምያ ዎደ ዶራስ፤ ሱረ ፕርደይ ታና።

3ቢታይነ እያን ደእያ ኡባይ ቃፅኮካ፥ እያ ቱሳ ምን ኤሰይ ታና።

4ታኒ ኦቶራንቾታ፥ ‘ኦቶርቶፍተ’፤ ኢታታ፥ ‘ህንተ ካጭያ በሶፍተ።’

5‘ህንተ ካጭያ ሳሎ ደንፍተ፤ ቆ ቃድ ሃሳዮፕተ’ ” ያጋና።

6ቦንቾይ ዶሎሀፐ ዎይኮ ዉሎሀፐ ዎይኮ መላ ቢታፈ ዬና።

7ሽን ሱረ ፕርደይ ፆሳ፤ እ እሱዋ ቦላ ፕርዴስ፤ ሀንኩዋ ሻትንስ።

8ፆሳ ኩሸን እስ ዋንጭ ደኤስ፤ ሄ ዋንጫይ ፆሳ ሀንቆ ዎይነ ኡሻን ኩምድ ኡትስ። እ ሄ ኡሻፈ ትግን፥ ሳአን ደእያ ኢታ አሳት ሄሳ ኡያና፤ ኤንቲ ኦርጩዋ አሾና ፂጵድ ኡያና።

9ሽን ታኒ ያይቆባ ፆሳባ ኦዳና፤ እያ መርናዉ ሳባና።

10እ፥ ኢታ አሳታ ካጭያ መንና፤ ሽን ፅሎታ ካጨይ ቁ ቁ ጋና።

← Chapter 74 Chapter 76 →