Psalms 56

Amharic Gofa GFBEVF (ጌሻ ማፃፋ)

1አቤት ፆሳዉ፥ አሳይ ታና ኡንኤያ ግሾነ ኡባ ዎደ ታ ሞርከት ታና የደያ ግሾ ታዉ ቃታ።

2ታ ሞርከት ኩመ ጋላስ ታና የኦሶና፤ ኦቶሮን ታና ኦልያ አሳይ ዳሮ።

3ታና ያሽያ ዎደ ታ ነናን አማነታይስ።

4ታኒ ፆሳን አማነታይስ፤ ያይከ፤ እያ ቃላ ጋላትያ ፆሳን አማነታይስ፤ አስ ታና አይ ኦኔ?

5ኩመ ጋላሳን ታ ሞርከት ባላ ኮዮሶና፤ ታና ቆሀናዉ ኡባ ዎደ ቶቦሶና።

6ኤንቲ ታ ቦላ ማቀቶሶና፤ ታና ቆሀናዉ ጌዶሶና። ታ ታንጎ ኡባ ካሎሶና፤ ታና ዎናዉ ኮዮሶና።

7ኤንቲ አይ ኦገራካ ከስ ኤካና መላ ኦፋ፤ ነ ሀንቁዋን ሄ ካዎተታ ካዉሻ።

8ታ ዋይያ ታይባ፤ ነ ታ አፉ ማካዳሳ፤ ኤንቲ ነ ማዝጋብያን ደኦኮና?

9ታ ነና ፄግያ ዎደ፥ ታ ሞርከት ጉየ ስማና፤ ፆሳይ ታ ባጋ ግደይሳ ታ ሄሳን ኤራይስ።

10ታ እያ ቃላ ጋላትያ ፆሳን፥ ታ እያ ቃላ ጋላትያ ጎዳን፥

11ታ ሄ ፆሳን አማነታይስ፤ ያይከ። አስ ታና አይ ኦኔ?

12አቤት ፆሳዉ ታ ነዉ ቃንግዳባይ ደኤስ፤ ሄሳ ጋላታ ያርሾ ኦዳ ታ ነዉ እማና።

13ደኦን ደኤይሳታ ቦላ ፖእያ ፖኡዋን ፆሳ ስንን ስመረታና መላ፥ ታ ሸምፑዋ ሀይቆፐ፥ ታ ቶሁዋ በፐ አሻዳሳ።

← Chapter 55 Chapter 57 →