Psalms 46

Amharic Gofa GFBEVF (ጌሻ ማፃፋ)

1ፆሳይ ኑ ቆሰትድ አትያ፥ በሰነ ኑ ዎልቃ። ኑና መቶይ ጋክያ ዎደ፥ እ ኑና ማዳናዉ ኡባ ዎደ ኑ ማታን ደኤስ።

2ሄሳ ግሾ፥ ቢታይ ቃፅያኮካ፥ ደረት አባን ኩንድያኮካ፥ ኑኒ ያዮኮ።

3አባይ ጉምድ ጎፖንትኮካ፥ እያ ዎልቃማ ዙልያን ደረት ኮኮርያኮካ፥ ኑኒ ዳጋሞኮ።

4ኡባፈ ቃ ፆሳይ ደእያ፥ ፆሳ ካታማ፥ ጌሻ በሳ፥ ኡፋይስያ እስ ሻፍ ደኤስ።

5ፆሳይ እያ ግዶን ደእያ ግሾ፥ ሄ ካታማይ ቃፀና፤ ዎንታ ጉራ ፆሳይ እያ ማዳና።

6ደረይ ዳጋምስ፤ ካዎተት ቃፆሶና፤ ፆሳይ ባ ቃላ ስስስ፤ ቢታይ ትልእስ።

7ኡባፈ ዎልቃማ ጎዳይ ኑራ ደኤስ፤ ያይቆባ ፆሳይ ኑ ቆሰትድ አትያ በሰ።

8ሃ ዪተ፤ ጎዳ ኦሱዋ ፄልተ፤ ቢታ ዋትድ ይስዳኮ በእተ።

9እ ቢታ ቦላ ደእያ ኦላ ኡባ ተቄስ፤ ዶንገነ ቶራ መንስ፤ ጎንዳልያ ታማን ፁጌስ።

10ዎፑ ጊተ፤ ታኒ ፆሰ ግደይሳ ኤርተ፤ ታኒ ካዎተታ ግዶን ቁ ቁ ጋና፤ ቢታ ቦላካ ቁ ቁ ጋና።

11ኡባፈ ዎልቃማ ጎዳይ ኑራ ደኤስ፤ ያይቆባ ፆሳይ ኑ ቆሰትድ አትያ በሰ።

← Chapter 45 Chapter 47 →