Psalms 44

Amharic Gofa GFBEVF (ጌሻ ማፃፋ)

1ፆሳዉ፥ በን ዎደ ነ ኦዳባ ኑ ስእዳ፤ ኑ አዋታ ዎደ ነ ኦዳባ ኑስ ኦድዶሶና።

2ካዎተታ ነ ኩሸን ጎዳ ከሳዳሳ፤ ኑ አዋታ ኤንታ ቢታን ቶካዳሳ። ሀራ ካዎተታ ሴራዳሳ፤ ሽን ኑ አዋታ አክሳዳሳ።

3ኤንቲ ባንታ ማሻን ኦልድ ሄ ቢታ ላትቦኮና፤ ኤንቲ ባንታ ምኖተን ፆንቦኮና። ሽን ኔኒ ኤንታ ዶስዳ ግሾ፥ ኤንታ ነ ኡሻቻ ኩሸይ፥ ነ ቀሰይነ ነ ሶምኡዋ ፖኦይ ፆንስስ።

4ያይቆባ ኮቻስ ፆኖ ኪትያ፥ ታ ካዎይነ ታ ፆሳይ ነና።

5ነናን ግድድ ኑ ሞርከታ ፆናና፤ ነ ሱንን ኑና እፀይሳታ የና።

6ታኒ ታ ቶራን አማነትከ፤ ታ ማሻይ ታና አሸና።

7ሽን ነ ኑና ኑ ሞርከታፐ አሻሳ፤ ኑና እፀይሳታ ኔኒ ካዉሻሳ።

8ኑኒ ኡባ ዎደ ፆሳን ጬቀታና፤ ነ ሱን መርናዉ ጋላታና።

9ሽን ሀእ ኑና አጋዳሳ፤ ካዉሻዳሳ፤ ኑ ኦላንቾታራ እስፈ ኦላስ ከያካ።

10ኑ ሞርከታ ስንፈ ኑና ባቃትሳዳሳ፤ ኑ እፀይሳት ኑና ቦንቅዶሶና።

11ኑና ዶርሳዳ ሹሀስ አ እማዳሳ፤ ካዎተታ ግዶን ኑና ላላዳሳ።

12ኔኒ ነ አሳ ላፋ ጋተን ባይዛዳሳ፤ አይ ዎካ ደማባካ።

13ኑ ሾሮት ኑና ቦራናዳ ኦዳሳ፤ ኑ ሄራን ደኤይሳት ኑና ቅልቅሳናዳነ ኑ ቦላ ሚጫናዳ ኦዳሳ።

14ኑና ካዎተታ ግዶን ሀይሰስ አጋዳሳ፤ ኤንቲ ባንታ ሁጵያ ኑ ቦላ ቃና መላ ኦዳሳ።

15ጋላስ ኩመ ታኒ ቶሸታስ፤ ታ ሶምኡዋ ዬል ካምስ።

16ሄስ ሀንዳይ ታና ጫየይሳታነ ቦረይሳታ ጋሶንነ፥ ታ ሞርከታነ ታና ማንደይሳታ ጋሶና።

17ኑኒ ነና ዶጎና ደእሽን፥ ነ ጫቁዋ መንና ደእሽን፥ ሀ ኡባይ ኑና ጋክስ።

18ኑ ዎዛናይ ነና አግቤና፤ ኑ ቶሆይ ነ ኦግያፐ ካረ ከይቤና።

19ሽን ኔኒ ኑና መንረዳ ዶአ ኦላን የጋዳሳ፤ ሳካና ማን ካማዳሳ።

20ኑ፥ ፆሳ ሱን ዶግዳባ ግድያኮ፥ ሀራ ፆሳታኮ ኑ ኩሽያ ምጭዳባ ግድያኮ፥

21ዎዛና ፁራ ፆሳይ ኤርያ ግሾ፥ እ ሀይሳ ፄልድ ደመኔ?

22ግዶሽን፥ ነ ግሾ ኡባ ጋላስ ሀይቆስ፤ ሹካናዉ ኤፍያ ዶርሳዳ ታይበትዳ።

23ጎዳዉ፥ ደንዳ፥ አይስ ስካይ? ደንዳ፥ መርናዉ ኑና አጎፋ።

24ነ ሶምኡዋ ኑፐ አይስ ገንይ? ኑ ቆሁዋነ ኑ ኡንኣ አይስ ዶጋይ?

25ኑኒ ባናን የገትዳ፤ ኑ አሳተይ ቢታራ ኦይከትስ።

26ጎዳዉ፥ ደንዳ፥ ኑና ማዳ፤ ነ ሲቁዋ ግሾ ጋዳ ኑና ዎዛ።

← Chapter 43 Chapter 45 →