Psalms 34

Amharic Gofa GFBEVF (ጌሻ ማፃፋ)

1ታኒ ኡባ ዎደ ጎዳ ጋላታና፤ እያ ጋላታይ ታ ዶናፐ ፓጨና።

2ታኒ ጎዳን ጬቀታይስ፤ አዳት ሄሳ ስእድ ኡፋይቶ።

3ታራ ጎዳ ቦንችተ፤ እያ ሱን እስፈ ቁ ቁ ኦስ።

4ታኒ ጎዳ ኮይን፥ እ ታዉ ዛርስ፤ ታ ያይያባ ኡባፈ ታና አሽስ።

5እያኮ ፄልያ ኡባይ ፖኦሶና፤ ኤንታ ሶምኦይ ዬላተና።

6ሀ ማንቆይ ዋስስ፤ ጎዳይ እያ ዋሱዋ ስእስ፤ እያ መቶ ኡባፈ እያ አሽስ።

7ጎዳ ኪታንቾይ እያዉ ያየይሳታ ናጌስ፤ ኤንታ ዩሾን ግድድ ኤንታ አሼስ።

8ጎዳይ ኬሀ ግደይሳ ላጭድ በእተ፤ እያኮ ባቃትያ አስ አንጀትዳይሳ።

9ህንተኖ፥ ጌሻ አሳዉ፥ ጎዳስ ያይተ፤ እያዉ ያየይሳታስ አይኮይካ ፓጨና።

10ጋሞት ምያባ ይድ ኮሻቶሶና፤ ሽን ጎዳ ኮየይሳታስ ሎኦባይ ፓጨና።

11ናይቶ፥ ሃ ዪተ፤ ስእተ፤ ታ ህንተና ጎዳ ያሽ ታማርሳና።

12ሎኦ ደኦ ዳናዉነ ኬሀባ በአናዉ አዱሳ ላይ ዳናዉ፥ አሞተይ ኦኔ?

13ነ እንፃርሳይ ኢታባ ኦደቶናዳ፥ ነ ዶናይ ጭሞናዳ ተቃ።

14ኢታፐ ሃካ፤ ሎኦባ ኦ፤ ሳሮተ ኮያ፤ ካላ።

15ጎዳ አይፈይ ፅሎታ ፄሌስ፤ እያ ሀይይ ኤንታ ዋሱዋ ስኤስ።

16ኤንታ ቆፍስያባ ቢታፈ ይሳናዉ፥ ጎዳይ ኢታ ኦይሳታ ባ ሀንቆ አይፈን ፄሌስ።

17ፅሎት ዋሶሶና፤ ጎዳይ ኤንታ ዋሱዋ ስኤስ፤ እ ኤንታ መቶ ኡባፈ አሼስ።

18ዎዛን መቅዳይሳታስ ጎዳይ ማታና፤ እ ኡፋይስ ቃንፅዳይሳታ አሼስ።

19ፅሎ አሳስ መቶይ ዳሮ፤ ሽን ጎዳይ እያ ሄ ኡባፈ አሼስ።

20ጎዳይ እያ መቀታ ናግያ ግሾ፥ ኤንታፈ እሶይካ መቀና።

21ኢታታ ኤንታ ኢታተይ ዎና፤ ፅሎታ እፀይሳት ፕርደታና።

22ጎዳይ ባ አይለታ ዎዜስ፤ እያኮ ባቃትያ ኦንካ ፕርደተና።

← Chapter 33 Chapter 35 →