Psalms 16

Amharic Gofa GFBEVF (ጌሻ ማፃፋ)

1አቤት ፆሳዉ፥ ታ ኔኮ ባቃትያ ግሾ ታና ናጋ።

2ታኒ ፆሳ፥ “ኔኒ ታ ጎዳ፤ ኔፐ አትሽን፥ ሀር ሎኦባይ ታዉ ባዋ” ያጋስ።

3ሳአን ደእያ ጌሻት አይ መላ ቦንቸትዶና! ታ ኤንታራ እስፈ ኡፋይታይስ።

4ሀራ ፆሳታ ካለይሳት ባንታ ቦላ መቶ ዳርሶሶና። ሽን ታኒ ሀራ ፆሳታስ ሱ ያርሽከ፤ ታኒ ኤንታ ሱን ፄግከ።

5ታ ጎዳዉ ታ ላታይ ነና፤ ታዉ ኮሽያ ኡባ ታዉ እማሳ፤ ታ ደኡዋ ሳማይ ነና።

6ታና ጋክዳ ሳማይ አይ መላ ሎኦ! ኤ ታ ላታይ ቱማ ሎኦ!

7ታና ዞርዳ ጎዳ ጋላታይስ፤ ቃማ ታ ዎዛናይ ታና ታማርሴስ።

8ታኒ ኡባ ዎደ ጎዳ ታ ስንን በአይስ፤ እ ታ ኡሻቻን ደእያ ግሾ ዳጋምከ።

9ሄሳ ግሾ፥ ታ ዎዛናይ ኡፋይቴስ፤ ታ እንፃርሳይ ጋላቴስ፤ ታ አሳተይ ህርግ ባይና ደኤስ።

10ታ ሸምፕዉ ስኦለን አጋካ፤ ነ ጌሻ ዎቃና መላ ኦካ።

11ታና ደኦ ኦግያ በሳሳ፤ ነ ስንን ኩመ ኡፋይስ ደኤስ፤ ነ ኡሻቻን መርና እንጀይ ደኤስ።

← Chapter 15 Chapter 17 →