Psalms 145

Amharic Gofa GFBEVF (ጌሻ ማፃፋ)

1ታ ፆሳዉ፥ ታ ካዋዉ፥ ታ ነና ግታያና፤ ነ ሱን መርናዉ ጋላታና።

2ታኒ ነና ኡባ ጋላስ ሳባና፤ ነ ሱን መርናዉ ጋላታና።

3ጎዳይ ግታ፤ አ ጋላት እያዉ በሴስ፤ እያ ግታተይ አሳ ቆፋፐ አስ።

4እስ የለታይ ሀራ የለታስ ነ ኦሱዋ ኦዳና፤ ነ ማላልስያ ኦሶታ አዋጃና።

5ኤንቲ ነ ቦንቹዋ፥ ነ ቴማነ ነ ግታተ ኦዳና። ታኒ ነ ማላልስያ ኦሱዋ ዛራ ዛራዳ ቆፓና።

6ማላልስያ ግታ ነ ኦሱዋባ ኦዳና፤ ታኒ ነ ግታተ አዋጃና።

7ኤንቲ ነ ኬሀተ ዳሮተ ኦዳና፤ ነ ፅሎተባ ኡፋይሳን የፃና።

8ጎዳይ ኬሀነ ቃተይሳ፤ ሀንቀታናዉ ኤለሰና፤ ሲቆን ኩምዳይሳ።

9ጎዳይ ኡባስ ኬሀ፤ እ ባ መተ ኡባስ ቃቴስ።

10ጎዳዉ፥ መተ ኡባይ ነና ጋላታና፤ ነ አሳ ኡባይ ነና ሳባና።

11ኤንቲ ነ ካዎተ ቦንቹዋባ ኦዳና፤ ነ ዎልቃባ ኦዳና።

12ሄሳን ኤንቲ ነ ዎልቃማ ኦሱዋባነ ነ ካዎተ ቦንቾ ቴማባ ኤርሳና።

13ነ ካዎተይ መርና ካዎተ፤ ነ ማታይ የለታ ኡባ ሃሬስ። ጎዳይ ባ ግዳ ቃላ ኡባን አማነቴስ፤ ባ ኦሶ ኡባን ኬሀ።

14ጎዳይ ኩንዳናዉ ገድጋደይሳታ ካትሴስ፤ ኩንድዳይሳታ ደንስ።

15ኡባ አይፈይ ነና ፄሌስ፤ ኤንታዉ ኮሽያ ዎደን ካ እማሳ።

16ኔኒ ነ ኩሽያ ምጫዳ፥ መተ ኡባ አሞ አላሳ።

17ፆሳይ ባ ኦገ ኡባን ፅሎ፤ ባ ኦሶ ኡባን ኬሀ።

18ጎዳይ ባና ፄግያ ኡባስ፥ ቱማን ባና ፄግያ ኡባስ ማታን ደኤስ።

19እ ባዉ ያየይሳታ አሙዋ ኩንስ፤ ኤንታ ዋሱዋ ስእድ አሼስ።

20ጎዳይ ባና ዶሰይሳታ ኡባ ናጌስ፤ ሽን ኢታታ ኡባ ይሳና።

21ታኒ ታ ዶናን ጎዳ ጋላታና፤ መተ ኡባይ እያ ጌሻ ሱን መርናዉ ጋላቶ!

← Chapter 144 Chapter 146 →