Psalms 14

Amharic Gofa GFBEVF (ጌሻ ማፃፋ)

1ኤያት ባንታ ዎዛናን፥ “ፆሲ ባዋ” ያጎሶና፤ ኤንታ ደኦይ ኢትስ። ኤንቲ እፀትዳባ ኦሶና፤ ሎኦባ ኦያ አስ ባዋ።

2አኬከይነ ፆሰ ኮየይ ደእያኮ በአናዉ፥ ጎዳይ ሳሎፐ ዱገ አሰ ፄሌስ።

3ሽን ኡባይ ዞኮ ዛርዶሶና፤ ኡባይ ጎኦናባ ግድዶሶና። ሎኦባ ኦያ ኦንካ ባዋ፤ ሀር አቶሽን እስ አስካ ባዋ።

4አስ ካ መይሳዳ፥ ኤንቲ ታ አሳ ቦንቅድ ሞሶና፤ ሀ ኢታ አሳት አይባካ ኤሮኮና፤ ኤንቲ ፆሳ ዎሶኮና።

5ሽን ፆሳይ ፅሎ አሳራ ደእያ ግሾ፥ ኢታ አሳት ያሻን ኮኮሮሶና።

6ህንተ ማንቆታ ቆፋ ላሌታ፤ ሽን ጎዳይ ማንቆት ቆሰትድ አትያ በሰ።

7እስራኤለስ አቶተ ፅዮነፐ ዬረነ! ጎዳይ ኤንታ ዱሳ ዛርያ ዎደ፥ ያይቆባ ኮቻይ ኡፋይታና፤ እስራኤለ አሳይ ሀሹ ጋና።

← Chapter 13 Chapter 15 →