Psalms 137

Amharic Gofa GFBEVF (ጌሻ ማፃፋ)

1ባብሎነ ሻፋታ ማታን ኡትድ፥ ፅዮነ ቆፕዳ ዎደ ዬክዳ።

2ሄ በሳን ኑኒ ኑ ዲ ሃ ጋፃን ድጭያ፥ ምታ ቦላ ካቅዳ።

3ኑና ድእዳ አሳት ኑኒ የፅድ፥ ኤንታ ኡፋይሳና መላ “ፅዮነ የታፐ እሱዋ አነ ኑስ የፅተ” ያግዶሶና።

4ጎዳ የ ኑኒ አላጋ ቢታን ዋት የፃኔ?

5የሩሳላመ ታኒ ነና ዶግኮ፥ ታ ኡሻቻ ኩሸይ ታና ባሎ።

6ታኒ ነና ሀሳዮና አግኮ፥ ታ ግታ ኡፋይስ ግድዳ የሩሳላመ ዶሶና እፅኮ፥ ታ እንፃርሳይ ኮቶኑዋራ ኦይከቶ።

7ጎዳዉ፥ የሩሳላመ ድኤትያ ጋላስ ኤዶመ አሳይ ኦዳይሳ ሀሳያ፤ ኤንቲ፥ “ላልተ! ላልተ! ህርክ ፃጱዋ ጋካናዉ ላልተ!” ያግዳይሳ ዶጎፓ።

8ባብሎነ፥ ኔኒ ያና! ኔኒ ኑ ቦላ ኦዳ ኢታ ኦሱዋስ ሀሎ ከሰይስ አንጀትዳይሳ።

9ነ ጉ ናይታ ኦይክድ፥ ዛላ ቦላ ሾጨይስ አንጀትዳይሳ።

← Chapter 136 Chapter 138 →