Psalms 135

Amharic Gofa GFBEVF (ጌሻ ማፃፋ)

1ጎዳ ጋላትተ! ህንተኖ፥ ጎዳ አይለቶ፥ ጎዳ ሱን ጋላትተ!

2ህንተኖ፥ ጎዳ ኬን፥ ኑ ፆሳ ኬ ዳባባን ኤቀይሳቶ፥ ጎዳ ጋላትተ!

3እ ኬሀ ግድያ ግሾ ጎዳ ጋላትተ! እ ሎኦ ግድያ ግሾ እያ ሱን ሳቢተ!

4ጎዳይ ያይቆባ ባባ፥ እስራኤለ ባዉ ቡዞ ኦድ ዶርስ።

5ጎዳይ ግታ ግደይሳነ ኑ ጎዳይ፥ ፆሳታ ኡባፈ አይሳ ታኒ ኤራይስ።

6ሳሎን ሳአን፥ አባንነ እያ ግዶን ጎዳይ ባ ዶስዳባ ኡባ ኦስ።

7ሻራ ሳኣ ጋፃፐ ደንስ፤ ዎልአን እራራ ኪቴስ፤ ጫርኮ ባ ምንጃ ኬፈ ከሴስ።

8ግብፀ ቢታን አሳፐ መሄ ጋካናዉ፥ ባይራ የለትዳ ኡባ ዎስ።

9ነኖ ግብፀ፥ ፓሮናነ እያ አይለታ ኡባ ሴራናዉ ማላታታነ ማላልስያባታ ኪትስ።

10እ ዳሮ ካዎተታ ይስስ፤ ዎልቃማ ካዎታ ዎስ።

11አሞረ ካዋ ስሆና ባሳነ ካዋ ኦገነ ካናነ ካዎታ ኡባ ዎስ።

12ኤንታ ቢታ ባ አሳ፥ እስራኤለ ላትስስ።

13ጎዳዉ፥ ነ ሱንይ መርናዉ ዳና፤ የለታፐ የለታ ጋካናዉ ነ ሀሳየታና።

14ጎዳይ ባ አሳስ ፕርዳና፤ እ ባ አይለታስ ቃታና።

15ካዎተታ ኤቃት አሳ ኩሸ ኦሶታ፤ ብራፐነ ዎርቃፈ መትዳይሳታ።

16ኤንታዉ ዶን ደኤስ፥ ሽን ሃሳዮኮና፤ አይፈይ ደኤስ፥ ሽን ፄሎኮና።

17ሀይ ደኤስ፥ ሽን ስኦኮና፤ ኤንታ ሲን ሸምፖይ ባዋ።

18ኤንታ መዳይሳትነ ኤንታን አማነተይሳት ኡባይ ኤንታዳ ሀኖ።

19እስራኤለ አሳዉ ጎዳ ጋላትተ፤ አሮና ሶ አሳዉ ጎዳ ጋላትተ።

20ሌወ ሶ አሳዉ ጎዳ ጋላትተ፤ ጎዳ ያየይሳቶ ኡባይ ጎዳ ጋላትተ።

21የሩሳላመን ደእያ ጎዳይ ፅዮነን ጋላተቶ! ጎዳ ጋላትተ!

← Chapter 134 Chapter 136 →