1 Corinthians 16

Amharic Gofa GFBEVF (ጌሻ ማፃፋ)

1አማንያ አሳስ ሚሸ ሺሾባ ጋላትያ ዎሳ ኬታስ ታኒ ኪትዳይሳዳ ህንተካ ኦተ።

2ሚሽያ ሺሾይ ታ ህንተኮ ብያ ዎደ ግዶና መላ እሶይ እሶይ ሳምንታፈ ኮይሮ ጋላስ፥ ዎጋ ዎደ፥ ዎጋ ዎደ፥ ባ ደመይሳፈ ከስድ ባ ሶን ዳጋዮ።

3ታኒ ያ ብዳ ዎደ ሚሽያ የሩሳላመ ጋና መላ ህንተ ዶርያ አሳስ ዳብዳበ እማዳ ኤንታ የሩሳላመ ኪታና።

4ኤንታራ ታ ቡሳይ ኮሽያባ ግድኮ ኤንቲ ታራ ባናዉ ዳንዳኦሶና።

5ታኒ ማቀዶነራ አናዉ ቆፕዳ ግሾ፥ ያ ባዳ ህንተኮ ያና።

6ታ ብያ በሳ አዉ ግድኮካ፥ ታ ቡሳን ህንተ ታና ማዳና መላ ህንተ ማታን ጉ ዎደ ጋምኦና አግከ። ባልጎ አጌናታ ህንተ ማታን አና ዋያ አጋና።

7ታኒ ኦገራ አሸ ህንተና በአናዉ ኮይከ። ጎዳይ ጊኮ፥ ህንተ ማታን ጉ ዎደ ታካናዉ ቆፓይስ።

8ሽን ታኒ ጳንፀቆስፀ ባለይ ጋካናዉ ኤፈሶናን ጋምአና።

9ታዉ ኦሶይ ኩምዳ ዳልጋ ፐንገይ ዶየትስ፥ ሽን ዳሮ ኤቀትያ ሞርከት ደኦሶና።

10እ ታ መላ ጎዳ ኦሶ ኦያ አስ ግድያ ግሾ፥ ፅሞትዮስ ህንተኮ ቢኮ፥ ህንተ ማታን እ ህርጎና ዳና መላ ኦተ።

11ኦንካ እያ ካፖ። እ ታኮ ሳሮ ስማና መላ እያ ማድድ ሞይዝተ። ታኒ እ ሀንኮ አማነይሳታራ ስማናይሳ ናጋይስ።

12ኑ እሻ አጵሎስ ሀንኮ አማነይሳታራ ህንተኮ ባና መላ ታ እያ ምን ዎሳስ። ሀእ ህንተኮ ባናዉ ኮይቤና፥ ሽን እያዉ እንጀትያ ዎደ ህንተኮ ባና።

13ባርክተ፤ አማኖን ኤቅተ፤ ፃልተ፤ ምንተ።

14ኦሶ ኡባ ሲቆን ኦተ።

15ታ እሻቶ፥ እስፅፋኖሰይነ እያ ሶ አሳይ አካያን ኤንቲ ኮይሮ አማንዳይሳታ ግደይሳነ አማነይሳታ ማዳናዉ ባንታና አድ እምዳይሳ ህንተ ኤሬታ።

16ህንተካ ኤንታ መላ አሳስነ፥ ኤንታራ ኦሶን ዳቡርያ ኡባስ ኪተታና መላ ታ ህንተና ዎሳይስ።

17እስፅፋኖሰይ፥ ፈርዶናፅስነ አካይቆስ ታኮ ይዳይስ ታና ኡፋይስስ። ህንተ ባይና በሳን ኤንቲ ህንተና ግድድ ታ ፓጫ ኩንዶሶና።

18ኤንቲ ህንተና ኡፋይስዳይሳዳ ታናካ ኡፋይስዶሶና። ሄሳ መላ አሳታ ዶጎፕተ።

19ኢሰ ዎሳ ኬ አሳይ ህንተና ሳሮ ጎሶና። አቅልነ ጵርስቅላ ባንታ ሶን ሺቅያ ዎሳ ኬ አሳራ እስፈ ህንተና ጎዳ ሱንን ዎዛናፐ ሳሮሶና።

20አማንያ እሻት ኡባይ ህንተና ሳሮ ያጎሶና። ጌሻ ዬረተ ዬረትሸ እሶይ እሱዋ ሳሮተ።

21ታኒ፥ ጳዉሎስ፥ ሀ ሳሮዋ ታ ኩሸን ፃፋስ።

22ጎዳ ዶሶና አስ ደእኮ፥ ባደትዳይሳ ግዶ። ኑ ጎዳዉ፥ ሃያ!

23ጎዳ የሱስ ክርስቶሳ አ ኬሀተይ ህንተራ ግዶ።

24ታ ሲቆይ ክርስቶስ የሱሳን ደእያ ህንተ ኡባራ ግዶ። አምንእ።