Psalms 8

Amharic Gamo (ጋሞ ማጻፋ)

1ኣቤት ጎዳዉ! ኑ ጎዳዉ ኔ ሱን ቢታ ኡባን ኬሂ ቦንቼቲዴስ፤ ኔኒ ኔ ቦንቾ ሳሎታፔ ቦላን ቁ ቁ ሂስታ ዎዳሳ።

2ኔኒ ኔ ሞርኬታ ጊሻስ ኔ ባልጋራኔ ኔ ቦላ ማንዲዛይሳ ሲርጲ ኦናዉ ጉ ናይታ ዶናኒኔ ሚዛ ናይታ ዶናን ጋላታ ኩንዳሳ።

3ኔኒ ኔ ኩሼን ሜዳ ሳሎታ፥ ሶሆን ሶሆን ኔኒ ዎዳ ኣጊናኔ ጾሊንቴታ ታኒ ቤኢዛ ዎዴ፥

4ኔኒ ኣሳስ ቆፓናዉ ኣሲ ኣዜ? ዎይኮ ኔኒ ኣሳ ናስ ዉዴታናዉ ኢዚ ኣዜ?

5ኢዛ ኔኒ ኪታንቻታፔ ጉራ ዚቂሳዳሳ፤ ቦንቾኔ ጊታቴ ካላቻ ኢዛ ሁኤን ጎጺሳዳሳ።

6ኢዛ ኔኒ ኔ ሜዳ ሜቴ ኡባ ቦላን ሃሪዛዴ ኦዳ ሱንዳሳ፤ ኡባካ ኢዛስ ሃሪሳዳሳ።

7ዶርሳታኔ ሚዛታ፥ ዶኣ ኡባ፥

8ሳሎ ካፎታ፥ ኣባ ሞሌታኔ ኣባ ጊዶን ዲዛ ሜታ ኡባካ ኢዛስ ሃሪሳዳሳ።

9ኣቤት ኑ ጎዳ ጾሳዉ! ኔ ሱን ቢታ ኡባ ቦላ ኬሂ ቦንቼቲዴስ።

← Chapter 7 Chapter 9 →