Psalms 6

Amharic Gamo (ጋሞ ማጻፋ)

1ኣቤት ጎዳዉ! ዪሎን ታና ሴሮፓ፤ ዎይኮ ኔ ሃንቆን ታና ቃጻዮፓ።

2ኣቤት ጎዳዉ! ታኒ ዳቡራንቻ ጊዲዳ ጊሻስ ታና ማራ። ኣቤት ጎዳዉ! ታ ዎዚናይ ማዱንጺዳ ጊሻስ ታና ፓ።

3ታ ሼምፖያ ኬሃ ኡንኤታዱስ፤ ሂስቲን ጎዳዉ! ታና ማዳናስ ኔኒ ኣዉዴ ጋካናስ ጋምኣኔ?

4ኣቤት ጎዳዉ! ኔኒ ሲማዳ ታና ኣሻ፤ ኔ ማሮቴ ዳሮን ታና ኬሳ ኤካ።

5ሃይቂዳ ኣሲ ኦኒኔ ኔና ቆፔና፤ ዱፎን ኔና ጋላቲዛይ ዴና።

6ታ ጬጬን ጻላ ዳቡራዲስ፤ ኦማርስ ኦማርስ ታኒ ዬካሼ ታ ሂጻ ጫጲሳይስ፤ ታ ቦርኮካ ታ ኣፉንን ሙሲሳይስ።

7ታ ኣይፌቲ ዳሮ ኣፉንጺዳ ጊሻስ ዳቡርዳ፤ ታ ሞርኬታ ኡባ ጋሶንካ ዴሞ ኢጺዳ።

8ጎዳይ ታኒ ዬኪዛ ዬሆ ሲዪዳ ጊሻስ፥ ኢንቴኖ ኢታ ኦዛ ኡባቶ! ታፔ ሃኪቴ።

9ጎዳይ ታ ሾቤ ቤኢዴስ፤ ታ ዎሳካ ሲዪዴስ።

10ታ ሞርኬ ኡባቲ ዬላታናኔ ዳጋማና፤ ቆፖንታ ካዉዪዲ ጉዬ ሲማና።

← Chapter 5 Chapter 7 →