Psalms 21

Amharic Gamo (ጋሞ ማጻፋ)

1ኣቤት ጎዳዉ! ካዎይ ኔ ኢሚዳ ዎልቃ ጊሻስ ኡፋዬቴስ፤ ኔኒ ኢሚዳ ጾኖን ኢዚ ኬሂ ሆምቦጬስ።

2ኔኒ ኢዛ ዎዚና ኣሞ ኢዛስ ኢማዳሳ፤ ቃሴ ኢዚ ኔና ባ ዶናን ኦይቺዳይሳ ኔኒ ዲጋቤካ።

3ኔኒ ሎኦ ኣንጆራ ኢዛ ሞካሳ፤ ጌሻ ዎርቃ ካላቻ ኢዛ ሁኣን ጎጺሳዳሳ።

4ኔኒ ዴኦ ኢዛስ ኢማና ማላ ኔና ዎሲዴስ፤ ኔካ ኢዛስ ዴኦኔ ኣዱሳ ላይ ኢማዳሳ።

5ኔኒ ጾኖ ኢሚዳ ጊሻስ ኢዛስ ቦንቾይ ዳሪዴስ፤ ጊታቴኔ ቴማ ኢዛስ ኢማዳሳ።

6ኔኒ ኢዛስ ሜርና ኣንጆ ኢማዳሳ፤ ኔ ኢዛራ ዱሳን ኢዛ ኡፋይሳዳሳ።

7ካዎዚ ጎዳን ኣማኔቴስ። ኡባፌ ቃ ጾሳ ኪያቴ ኢዛራ ዲዛ ጊሻስ ኢዚ ያዬና።

8ኔ ኩሼይ ኔ ሞርኬታ ኡባ ዴማና፤ ኔ ኡሻቻይ ኔና ኢጺዛይታ ኦይካና።

9ኔኒ ቆንጪዛ ዎዴ ጮጬን ኤጺዛ ታማ ማላ ኔ ኢስታ ጹጋና፤ ጎዳይ ባ ሃንቆዛ ሱሌን ኢስታ ጹጋና፤ ኢዛ ታማይካ ኢስታ ሚ ይሳና።

10ኔኒ ኢስታ ናይታ ቢታፌ ዲጋና፤ ኢስታ ዜሬካ ዴሬፔ ዴን ይሳና።

11ኔ ሞርኬቲ ኔ ቦላ ጌኔን ዱላቴቴስ፤ ኢታ ሚሺካ ማቄቴቴስ፤ ጊዶ ኣቲን ኢስታስ ሃኔና።

12ኔካ ኢስታ ኔ ዎንዳፌዛ ዪሻን ጎዳሳ፤ ኢስቲ ጉዬ ሲሚዲ ባቃታና ማላ ኦሳ።

13ኣቤት ጎዳዉ! ኔ ሚኖቴይ ቁ ቁ ጎ፤ ኔ ጊታ ዎልቃ ጊሻስ ጋላታ ዬ ዬጾስ።

← Chapter 20 Chapter 22 →