Psalms 149

Amharic Gamo (ጋሞ ማጻፋ)

1ጎዳይ ጋላቴቶ! ጎዳስ ኦራ ማዛሙሬ ዬጺቴ! ጌሻታ ሺቆሶን ኢዛስ ጋላታ ማዛሙሬ ዬጺቴ!

2ኢስራኤሌ ኣሳቲ ባና ሜዳይሳን ኡፋዬቴቶ፤ ጺዮኔ ኣሳቲ ባ ካዎዛን ኬሂፔ ኡፋዬቴቶ።

3ዱሪሼ ካራቤ ባቂሼኔ ዲ ዲጺሼ ኢዛ ሱን ሳቤቶ።

4ጎዳይ ባ ኣሳን ኡፋዬቴስ፤ ኣሽኬታ ኣሺዲ ቦንቾን ፑላሴስ።

5ሄ ፑላቴን ጾሳ ኣሳቲ ኡፋይሳን ዬጼቶ፤ ጋዴይ ዎንታና ጋካናስ ኢሊሊሼ ዬጼቶ።

6ኢስታ ዶናን ጾሳ ጋላታይ፥ ኢስታ ኩሼንካ ቃራ ጊ ማሻይ ዴኦ።

7ኢስቲ ሄሳን ካዎቴታ ቦላ ሃሎ ኬሳና፤ ኣሳካ ቃጻያና።

8ኢስታ ካዎታ ሳንሳላታን፥ ኢስታ ኦላ ቃራታካ ቢራታን ቃቻና።

9ሄሳን ኢስታ ቦላ ጻፌቲዳ ፒርዳ ፖሊዲ ጾሳ ኣሳቲ ጾናና። ጎዳይ ጋላቴቶ!

← Chapter 148 Chapter 150 →