Psalms 14

Amharic Gamo (ጋሞ ማጻፋ)

1ኤያቲ ባንታ ዎዚናን፥ «ጾሲ ባዋ» ጌቴስ፤ ኢስታ ዴኦይ ሞሬቲዴስ፤ ኢስቲ ሃራሲዛ ሚሽ ኦቴስ፤ ኢስታ ጊዶን ሎኦ ኦዛ ኢሲ ኣሲካ ዴና።

2ጾሳ ኮይዛይኔ ኣኬኪዛይ ዴኢዛኮ ቤኣናስ፥ ጎዳይ ሳሎፔ ዱጌ ኣሳ ጼሌስ።

3ጊዶ ኣቲን ኡባይካ ኦጌፔ ካሬ ኬኢዳ፤ ኡባይካ ሙሌራ ጎኦንታዝ ጊዲዳ፤ ሎኦ ኦዛይ ኦኒኔ ዴና፤ ሃራይ ኣቶ ኢሳዴይካ ዴና።

4ጎዳይ፥ «ታ ኣሳ ቦንቂ ሚዛ ኢታ ኣሳቲ ኣይኮካ ኤሬቴኔ?» ጌስ።

5ጊዶ ኣቲን ጾሲ ጺሎ ኣሳታራ ዴኢዛ ጊሻስ ኢታ ኣሳቲ ሄሳን ዳጋማና።

6ኢንቴ ሂዬሳታ ሃልቾ ላሌታ፤ ጊዶ ኣቲን ጎዳይ ሂዬሳቲ ባቃቲ ኣቲዛሶ ጊዴስ።

7ኢስራኤሌስ ኣቶቴ ጺዮኔፔ ዪዳኮ! ጎዳይ ኢስታ ዱሳ ዛሪዛ ዎዴ ያቆቤ ዜሬቲ ኡፋዬታና፤ ኢስራኤሌ ኣሳይ ኡፋይሳን ጋላታና።

← Chapter 13 Chapter 15 →