Psalms 110

Amharic Gamo (ጋሞ ማጻፋ)

1ጎዳይ ታ ጎዳስ፥ «ታኒ ኔ ሞርኬታ ኔ ቶሆ ጋርሳን ዬሳና ጋካናስ፥ ታ ኡሻቻን ኡታ» ጊዴስ።

2ጎዳይ ኔስ ማታ ጉፌ ጺዮኔፔ ኪታና፤ ኔኒካ ሞርኬታ ሃራና።

3ኔኒ ኔ ሞርኬታራ ኦሌቲዛ ጋላስ ኔ ኦላንቻቲ ባ ሼኔን ኔ ሚሌን ኤቃና፤ ዎንታ ማላዶ ኣዋ ማላ ጌሻቴን ጶላሼ ኔ ናቴቴ ኣሳይ ኔኮ ያና።

4ጎዳይ፥ «ማልኬጼዴቄ ቄሴቴ ማላ ኔኒካ ሜርናስ ቄሴ ጊዳና» ጊዲ ጫቂዴስ፤ ኢዚ ባ ቆፋ ላሜና።

5ጎዳይ ኔ ኡሻቻን ዴስ፤ ኢዚ ባ ሃንቆ ጋላስ ካዎታ ቲንቼሬና።

6ካዎቴታ ቦላ ኢዚ ፒርዳና፤ ኦላ ዎሳናታካ ኣሃ ጻላ ሂስታና፤ ሳኣን ኡባን ዲዛ ካዎታ ኢዚ ሜንሬና።

7ካዎዚ ኦጌ ላንቄን ዲዛ ሃ ፑልቶፌ ኡዪዲ፥ ኢዚ ባ ሁኤ ቁ ቁ ሂስታና።

← Chapter 109 Chapter 111 →