Joshua 12

Amharic Gamo (ጋሞ ማጻፋ)

1ኢስራኤሌ ኣሳይ ዮርዳኖሴ ሻፋፔ ኣርሼይ ሞኪዛ ባጋራ ዲዛ ኣራቤ ቢታ ኡባ ኦይኪዲ ኣርኖኔ ዙሌራ ቢዲ ሄርሞኔ ዙማ ጋካናስ ዲዛ ሄ ዴሬ ካዎታ ጾኒዲ ዎ ኤኪዴስ። ሄ ጾኔቲዳ ካዎቲ ሃይሳፌ ካሊ ጻፌቲዳይታ።

2ሃሴቦኔ ካታማን ኡቲዲ ኣይሲዛ ኣሞሬታ ካዎይ ሲሆኔ። ኢዚ ኣርኖኔ ሾባ ላንቄን ዲዛ ኣሮኤሬ ዙሌራ ካን ቢዲ ኣሞኔታ ዛዋ ያቦቄ ሻፋ ጋካናስ ሃሪዴስ፤ ሄሲ ጋላኣዴ ቢታፌ ባጋ ጉጂ ኤኬስ።

3ቃሴካ ኣርሼይ ሞኪዛ ባጋራ ዮርዳኖሴ ሾባፌ ቢዲ ጋሊላ ኣባ ጋካናስ፥ ቤቲ-ያሺሞቴ ባጋራ ቢዲ ማጺኔ ኣባፌ ዱጌሃ ባጋራ ዲዛ ፒዝጋ ዙማስ ዳንኤ ባጋ ጋካናስ ዲዛሶዛ ሃሪዴስ።

4ኣስታሮቴኒኔ ኤዲራኤን ኡቲዲ ሃሪዛ ኤራፋይሜ ዜሬታፔ ዉርሴ ቦላ ካዎቲዳይ ባሳኔ ካዎ ኣጌ።

5ኢዚ ሄርሞኔ ዙማ፥ ሳላካ፥ ባሳኔ ቢታ ኡባ፥ ቢዲ ጌሹሬታኔ ማኢካቴ ዛዋ ጋካናስ፥ ቃሴካ ጋላኣዴ ቢታፌ ባጋ ኤኪ ቢዲ ሃሴቦኔ ካዎ ሲሆኔ ዛዋ ጋካናስ ሃሪዴስ።

6ጎዳ ኣሽካራ ሙሴይኔ ኢስራኤሌ ኣሳይ ሃ ካዎታ ጾኒዳ፤ ሂስቲዲ ጎዳ ኣይሌ ሙሴይ ኢስታ ቢታ ኦሮቤሌ ቆሞታስ፥ ጋዴ ቆሞታሲኔ ሚናሴ ቆሞታፔ ባጋይታስ ጺንጾ ጊዳና ማላ ሻኪ ኢሚዴስ።

7ኢያሶይኔ ኢስራኤሌ ኣሳይ ዮርዳኖሴ ሻፋፔ ኣርሼይ ዉሊዛ ባጋን ዲዛ ካዎታ ኡባ ጾኒዳ። ሄይቲ ሃሪዛ ዛዋይ ሊባኖሴ ሾባን ዲዛ ባኣሊ-ጋዴፔ ዶሚዲ ሴይሬን ሃላቄ ዙማ ጋኬስ፤ ኢያሶይ ሄ ቢታታ ሻኪዲ ኢስራኤሌ ቆሞታስ ጺንጾ ሂስቲ ኢሚዴስ።

8ሄ ቢታቲ፥ ጌዜ ዴሬ፥ ኣርሼይ ዉሊዛሶ ባጋን ዲዛ ዙምቡላታ ላዴ፥ ኣራቤ ዙማታ ላዴ፥ ባዞ ቢታኔ ኔጌቤ ቢታ። ሄ ቢታቲ ካሴ ሂቴቲ፥ ኣሞሬቲ፥ ካናኔቲ፥ ፓሪዜቲ፥ ሂዌቲኔ ያቡሴቲ ዴኢዛ ቢታ።

9ኢስራኤሌ ኣሳይ ጾኒዳ ካዎቲ ሃይሳፌ ካሊ ዲዛይታ፤ ኢያርኮ ካዎ፥ ቤቴሌ ማታን ዲዛ ኣዬ ካዎ፥

10ዬሩሳላሜ ካዎ፥ ኬብሮኔ ካዎ፥

11ያርሙቴ ካዎ፥ ላኪሼ ካዎ፥

12ኤጊሎኔ ካዎ፥ ጌዜሬ ካዎ፥

13ዳቢሬ ካዎ፥ ቤቲ-ጋዴራ ካዎ፥

14ሆርማ ካዎ፥ ኣራዴ ካዎ፥

15ሊቢና ካዎ፥ ኣዱላሜ ካዎ፥

16ማቄዳ ካዎ፥ ቤቴሌ ካዎ፥

17ታጱሄ ካዎ፥ ሄፌሬ ካዎ፥

18ኣፌቄ ካዎ፥ ላሻሮኔ ካዎ፥

19ሜዶኔ ካዎ፥ ሃጾሬ ካዎ፥

20ሺሚሮኔ-ሚሮኔ ካዎ፥ ኣኪሻፌ ካዎ፥

21ታኢናኬ ካዎ፥ ማጊዶ ካዎ፥

22ቃዴሴ ካዎ፥ ቃርሜሎሴን ዲዛ ዮቂናኣሜ ካዎ፥

23ዙምቡላታ ቦላ ዲዛ ዶሬ ካዎ፥ ጌልጌላን ዲዛ ጎይሜ ካዎ፥

24ቲርጻ ካዎ። ሄይቲ ኢሲ ቦላ 31 ካዎታ።

← Chapter 11 Chapter 13 →