1 Chronicles 3

Amharic Gamo (ጋሞ ማጻፋ)

1ዳዊቲ ኬብሮኔን ዲሼ ዬሊዳ ኣቱማ ናይታ ሱን ሃይሳፌ ካሊ ዲዛይታ፤ ባይራ ና ኣሚኖኔ ኢዝራኤሌ ዴሬ ማጫስ ኣሂናሆምፔ ዬሊዴስ፤ ኢዛ ካሎ ዳኔላ ቃርሜሎሴ ዴሬ ማጫስ ኣቢጋሊፔ ዬሊዴስ።

2ሄንዛ ኣቤሴሎሜ ጌሹሬ ካዎ ታሊማዬ ና ማኢኪፔ ዬሊዴስ። ኦይዳንዛ ኣዶኒያሳ ሃጊቲፔ ዬሊዴስ።

3ኢቻሻንዛ ሻፋጺያ ኣቢጻሊፔ ዬሊዴስ ኡሱፑንዛ ዪቲራሜ ኤግሊፔ ዬሊዴስ።

4ሃይቲ ኡሱፑናቲ ዳዊቲ ኬብሮኔን ላፑን ላይኔ ባጋ ዴራ ኣይሲዛ ዎዴ ዬሌቲዳ፤ ዳዊቲ ዬሩሳላሜን 33 ላይ ካዎቲዴስ።

5ኢዚ ሄን ዲሼ ዬሊዳ ኣቱማ ናይቲ ሃይሳፌ ካሊ ዲዛይታ፤ ኣምኤሌ ና ቤርሳቤሃ ሺምኣ፥ ሾባቤ፥ ናታኔኔ ሶሎሞኔ ጌቴቲዛ ኦይዱ ኣቱማ ናይታ ኢዛስ ዬላዱስ።

6ቃሴ ሃራ ኡዱፉን ኣቱማ ናይቲ ኢዛስ ዴቴስ፤ ሄይቲካ ኢያቤሄሬ፥ ኤልሱኤ፥ ኤልፋሌጼ

7ኖጋሄ፥ ኔፌጌ፥ ናፊያ፥

8ኤልሻማ፥ ኤልኣዳኔ ኤልፋሌጼ ጌቴቲዛይታ።

9ሄይታፔካ ሃራ ዳዊቲ ጋራዴታፔ ዬሊዳ ኣቱማ ናይቲ ዴቴስ፤ ኢስታስካ ቲኢማሮ ጌቴቲዛ ሚቻ ዳዉስ።

10ካዎ ሶሎኖኔይ ኤሮቢኣሜ ዬሊዴስ፤ ኤሮቢኣሜይ ኣቢያ ዬሊዴስ፤ ኣቢያይ ኣሳ ዬሊዴስ፤ ኣሳይ ኢዮሳፊጼ ዬሊዴስ፤

11ኢዮሳፊጼይ ኢዮራሜ ዬሊዴስ፤ ኢዮራሜይ ኣካዚያሳ ዬሊዴስ፤ ኣካዚያሲ ኢዮኣሳ ዬሊዴስ፤

12ኢዮኣሲ ኣማሲያሴ ዬሊዴስ፤ ኣማሲያሲ ኣዛሪያሴ ዬሊዴስ፤ ኣዛሪያሲ ኢዮኣታሜ ዬሊዴስ፤

13ኢዮኣታሜይ ኣካዜ ዬሊዴስ፤ ኣካዜይ ሂዝቂያሳ ዬሊዴስ፤ ሂዝቂያሲ ሚናሴ ዬሊዴስ፤

14ሚናሴይ ኣሞኔ ዬሊዴስ፤ ኣሞኔይ ኢዮሲያሳ ዬሊዴስ፥

15ኢዮሲያሲ ኦይዱ ኣቱማ ናይታ ዬሊዴስ፤ ባይራዚ ዮሃናኔ፥ ኢዛ ካሎቲ ኢዮኣቄሜ፥ ሴዴቂያሳኔ ሻሎሜ፤

16ኢዮኣቄሜይ ኢኮኒያኔኔ ሴዴቂያሳ ዬሊዴስ።

17ባቢሎኔ ዲኤቲ ቢዳ ኢኮኒያኔ ናይቲ ሳላቲያሌ፥

18ማሊክራሜ፥ ፓዳያ፥ ሼናጻሬ፥ ዪቃሚያ፥ ሆሻሜኔ ናዳቢያ ጌቴቲዛይታ።

19ፓዳያይ ዜሩባቤሌኔ ሺምኤ ዬሊዴስ፤ ዜሩባቤሌይካ ማሹላሜ፥ ሃናኒያኔ ኢስታ ሚቾ ሻሎሚቶ ዬሊዴስ።

20ቃሴካ ሃራ ኢቻሽ ኣቱማ ናይቲ ኢዛስ ዴቴስ፤ ሄይቲካ ሃሹቤ፥ ኦሄሌ፥ ባራካዬ፥ ሃሳዲያኔ ዮሻቢ-ሄሲዴ።

21ሃናኒያይ ፓላጺያኔ ዬሻኢያ ጌቴቲዛ ናምኡ ኣቱማ ናይታ ዬሊዴስ፤ ዬሻኢያይካ ኤራፋያ ዬሊዴስ፤ ኤራፋያይ ኦርናኔ ዬሊዴስ፤ ኦርናኔይ ኣብዲዩ ዬሊዴስ፤ ኣብዲዩይ ሻካኒያ ዬሊዴስ።

22ሻካኒያይካ ሻማኤ ዬሊዴስ፤ ሻማኤይ ሃጹሼ፥ ዪጊኣሌ፥ ባርያሄ፥ ናራያኔ ሳፋጼ ጌቴቲዛይታ 5 ኣቱማ ናይታ ዬሊዴስ፤ ሻካኒያ ዜሬቲ ኩሜ ኡሱፑና።

23ናራያይ ኤልዮኤናዬ፥ ሂዝቂያሳኔ ኣዚርቃሜ ጌቴቲዛ 3 ኣቱማ ናይታ ዬሊዴስ።

24ኤልዮኤናዬይ ሆዳዬ፥ ኤልያሼቤ፥ ፔላያ፥ ኣቁቤ፥ ዮሃናኔ፥ ዳላያኔ ኣናኔ ጌቴቲዛ 7 ኣቱማ ናይታ ዬሊዴስ።

← Chapter 2 Chapter 4 →