Song of Solomon 8

Amharic Gamo (Geeshsha Maxaafa)

1Ne ta aayey dhanth dhammi diccida ta isha mala gididaakko ta nena ogen demmada yeera ekkidaakko tana oonikka kadhennakoshin!

2Tana tamaarsida ta aayeyso ta ne kushe oykkada efanakkoshin; ne uyanaas oroomaaneppenne woyneppe gum7ettida lo7o ushshu ta nees immanakkoshin.

3Ba hadirsa kushe bolla tana borkotissees; ushachcha kushenkka tana qoommees.

4Intteno Yerusalaame geela7otoo! Siiqozi baas dosidi dendana gakkanaas iza intte beegoththontta mala tani inttena hadara gays» gadus.

5«Ba siiqo laggeza bolla zemppada, bazzofe yizaara hanna oonee?» gida. «Beni ne aaya nena miixatta yelida appile miththa garsafe ta nena beegoththa denththadis.

6Mernaa siiqon ne wozinan tana woththa; tana xalla ne qese bolla maatame mala shoca; ays giikko siiqoy hayqo mala mino; qanaatey duufo mala menxe iita; izi lacoykka tama laco mala popol7u gees.

7Haaththa daroy siiqo tama toyssanaas dandayenna; di7oykka meeccidi efenna; asi baas diza miish ubbaan siiqo shammanaas koykko siiqoy miishshan beettontta gishshas asay qilcci kaa7ees» gadus.

8«Dhanththi uttontta qeeri michcha nuus dawus; azinay izo oychchiko nu izis ay ooththanee?

9Iza gimbe gididaakko nuni izi bolla birappe shakko ooththana; iza geliza penge gididaakko nuni izi bolla Libaanoose zigappe sanqqa kessana» gida.

10«Be7ite tani gimbe; ta dhanththatikka shakko mala; tani ta siiqozara diza wode izi ufayssinne saroteth demmees.

11Solomoones Ba7aali-Hamoonen woyne tokkizasohoy dees; he woyne tokkizasohoza oosanchchatas kira immides; isttika hu7en hu7en shii bira izas eheettes.

12Gido attiin taas buzo gidida woyne tokkizasohoy dees; Solomoone neni shii bira ekka; oosanchchati 200 bira ekketto» gadus.

13«Hanne ta mishirayee! Ne atakilte giddon dashe haasayza qaala ta laggeti siyana koyeettes; ane tanakka ne qaala cenggurssaa sissa» gides.

14«Ta siiqozoo! Taakko eeson haa ya! Sawo atakilteti mokkiza zumata bollara guppiza genessa woykko Wusha laaqqa misata» gadus.