bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Amharic
/
Amharic Gamo (Geeshsha Maxaafa)
/
Psalms 68
Psalms 68
Amharic Gamo (Geeshsha Maxaafa)
1
Xoossi dendo; iza morkketi laalettetto; iza ixxizayti iza sinththafe baqatetto.
2
Cuway carkon laalettiza mala neni istta laalla; muqaadday taman seeriza mala, iitati Xoossa sinththafe seeri dhayetto.
3
Xilloti gidikko ufayetetto; Xoossa sinththan ufayssan hombocetto; qasseka maguletto.
4
Xoossas yexxite; iza sunththas galata mazamure yexxite. Shaara bollara hemettizayssa dhoqqu dhoqqu histtite; izas sunththay GODAA; intteka iza sinththan keehi ufayettite.
5
Xoossi ba geeshshasohon dishe aaway bayndaytas aawa; qasse am7etaska pirdiza daanna.
6
Xoossi barkka diza bizzatas soo as immees; qasho keeththan dizayta birshidi istta ishalon woththees. Makkallanchchati gidikko suulliza bazzon de7ana.
7
Abeet Xoossawu! Neni ne asa kaaleththida wode, neni isttara bazzo kanththida wode,
8
Siina Xoossa sinththan, Isra7eele Xoossa sinththan biittay qaaxxides; saloti ira duge tigida.
9
Abeet Xoossawu! Neni koshshiza keena ira immadasa; ladda biittaaka araddisadasa.
10
Ne derezikka izo baas duussaso histtida; abeet Xoossawu! Manqotas koshshizaaz neni kiyateththan immadasa.
11
Goday qaala yeddides; he kiitaa daro maccassati deraas awajjida.
12
Istti, «Kawoti ba olanchchatara di7o gishetti ekkida.
13
Dorsata naaganaas guyen attidayti birappe oosettida qefeti bollara xolqiza worqqan tiyettida haraphphe misle demmida» gida.
14
Ubbaa Dandayza Xoossay kawota laallida wode, Xalmoone Zuma bolla shach bukisides.
15
Baasaane zumati wogga gita zumata; Baasaane zumata bolla daro poggonoti deettes.
16
Daro poggonoti de7iza zumatoo! Xoossi daanaas doorida zumaza intte ays miqqaynen xeelleetii? GODAY izan mernaas de7ana.
17
Xoossa para-gaareti daro shiyan qoodettizayta; Goday Siina zumaappe ba geeshshasoho yides.
18
GODAWU! Di7o ekkada pude ne duussas kezadasa; asa ubbaafe imota ekkadasa; haray attoshin makkallanchchatappeka ekkadasa;
19
Hach hach nu tooho tookkiza Goday, nuna ashshiza nu Xoossay galatetto.
20
Be7ite! Nu Xoossi ashshiza Xoossa! Hayqoppe attana dandayettizay GODAY ashshiina.
21
Xoossi tumappe ba morkketa hu7e kinchchana; nagara ogen hemettiza goofaranchchata hu7e qoo7ereththana.
22
Goday, «Tani intte morkketa Baasaaneppe zaarada ehana; tani istta ciimma abba giddofe kessada guye zaarana.
23
Neni ne morkketa suuth yedhdha aadhdhana; ne kanatikka morkketa suuththafe bantta gisha laaccana» gides.
24
Abeet Xoossawu! Ne xoono cifray ubbaan beettees; ta Xoossanne ta kawoy azhaban ba geeshsha soo gelththishe qonccees.
25
Yexxizayti sinththan, qasse karabe baqqiza geela7oti giddon, diixxizayti guyen azhabi beetteettes.
26
Istti, «Xoossaa kumeththa shiiqon galatite; intteno Isra7eele zereththato GODAA galatite» geettes.
27
He cifran ubbaafe kaalotiza Biniyaame zareti kaaleththeettes. Kaallidi Yuhuda daannati bantta butten butten beettes; wurseththan Zaabiloone daannatinne Niftaaleme daannati kaalleettes.
28
Abeet Xoossawu! Ne wolqqa qonccisa. Hayssafe kase ne nuus ooththidayssaththo ha7ikka ne minoteth nuna bessa.
29
Yerusalaamen diza ne Keeththa gishshas kawoti imota nees ekki yaana.
30
Maqqa giddon diza do7ata neni seera. Booratanne marata wude misatiza kawota neni laalla; istti gulbatidi bantta bira nees giirana mala ooththa; olettanaas yeemottiza asata laalla.
31
Gita asati Gibxeppe yaana; Tophphiyay ba kushe Xoossako miccana.
32
Intteno sa7a kawoteththatoo! Xoossas yexxite; Godaas galata mazamure shiishshite.
33
Beniisoppe doommidi diza salotappe bollara bizayssas yexxite; izi ba wolqqama cenggurssa guunththan yootishin ezgi siyite.
34
Iza teemay Isra7eele bollana; iza wolqqayka salonna. Hessa gishshas Xoossa wolqqa awajjite.
35
Abeet Xoossawu! Neni ne keeththafe qonccashe malalisaasa; Isra7eele Xoossay ba deraas minoteththinne wolqqa immees. Xoossi galatetto.
← Chapter 67
Chapter 69 →