Psalms 6

Amharic Gamo (Geeshsha Maxaafa)

1Abeet GODAWU! Yiillon tana seeroppa; woykko ne hanqon tana qaxxayoppa.

2Abeet GODAWU! Tani daaburanchcha gidida gishshas tana maara. Abeet GODAWU! Ta wozinay madunxida gishshas tana paththa.

3Ta shemppoya keeha un7ettadus; histtiin GODAWU! Tana maaddanaas neni awude gakkanaas gam7anee?

4Abeet GODAWU! Neni simmada tana ashsha; ne maaroteththa daron tana kessa ekka.

5Hayqqida asi ooninne nena qoppenna; duufon nena galatizay deenna.

6Ta ceecen xalla daaburadis; omars omars tani yeekkashe ta hiixa caphisays; ta borkoththaaka ta afunththan musissays.

7Ta ayfeti daro afunxxida gishshas daaburda; ta morkketa ubbaa gaasonkka demo ixxida.

8GODAY tani yeekkiza yeeho siyida gishshas, intteno iita ooththiza ubbatoo! Taappe haakkite.

9GODAY ta shoobeththaa be7ides; ta woosaakka siyides.

10Ta morkke ubbati yeellatananne dagammana; qoppontta kawuyidi guye simmana.

← Chapter 5 Chapter 7 →