Psalms 121

Amharic Gamo (Geeshsha Maxaafa)

1Tani, «Maadoy taas awappe yaandeeshaa?» gaada ta ayfeta pude zumatakko denththadis.

2Taas maadoy salonne sa7a medhdhida GODAAPPE yees.

3Izi ne toho hallixissenna; nena naagizayssi dhiskenna.

4Isra7eele naagizayssi mulekka ichchennanne dhiskenna.

5GODAY nena naagizayssa; GODAY nees ushachcha baggara kuwa gidana.

6Gallassa away nena xuuggenna; omarsa aginaykka nena qohenna.

7GODAY iita ubbaafe nena naagana; ne shemppo heemmana.

8GODAY ne buussaanne yuussaa hachchife mernaa gakkanaas naagana.

← Chapter 120 Chapter 122 →